SSS: Kumpanyang nagsara ug wala mibayad sa kontribusyon gukdon

53

Davao City – Mamahimo gihapon magukod sa usa ka Social Security System kun SSS member ang usa ka kumpanya nga nagsara na og wala niini gibayaran ang kontribusyon sa mga empleyado.

Sa pakighinabi kang Greta Quayle sa SSS Davao sa Serbisyong Straight to the Point uban si RadyoMaN Misel Miral-Galve, giingon niini nga pwede gihapon makasuhan ang mga nangulo sa usa ka nagsara sa kumpanya panahon nga mapamatud-an nga wala niini gihulog ang kontribusyon sa empleyadong SSS member.


Tambag ni Quayle sa mga SSS members nga nakasinati sa ingon nga muadto lang sa SSS office og mag-file og Sworn Statement ingon man dal-un ang payslip alang sa pruweba nga gikaltasan kini og SSS contribution.

Subay niini, nagpahinumdom ang SSS ngadto sa mga miyembrong nagatrabaho nga sutaon ang kontribusyon aron masigurong walay problema panahon nga magkuha og pension o magfile og uban pang benefits sa maong ahensya.

RadyoMaN Renz Barbarona

Facebook Comments

From Advertisers