Davao City – Adunay makuha nga maternity benefits sa Social Security System kun SSS ang mga miyembrong buntis, kasado man o dili.
Kini ang gitino ni Greta Quayle sa SSS Davao atol sa pakighinabi kaniya ni RadyoMaN Misel Miral-Galve sa Serbisyong Straight to the Point.
Sumala ni Quayle, sigurohon lang nga adunay igong kontribusyon aron mamahimong kwalipakado sa maong benepisyo.
Dugang pa nga kinahanglan ingnan daan ang SSS kun i-notify ang buhatan nga nagsabak ang miyembro aron di na maglisod sa proseso sa benepisyo panahon nga manganak na.
Matud ni Quayle nga kinahanglan lang magdala og pruweba sama sa pregnancy results o medical certificate.
RadyoMaN Renz Barbarona
Facebook Comments
