Binalaan ng Social Security System (SSS) ang publiko laban sa online scam.
Partikular na pinag-iingat ang publiko sa mga nagpapakilalang empleyado ng SSS at nag-aalok ng link para sa updated na SSS mobile app.
Ayon sa SSS, hindi tatawagan o magpapadala ng mensahe ang kanilang mga empleyado para magbigay ng updated na My.SSS account o SSS Mobile App.
Dagdag ng SSS, maaari lamang ma-access ang lehitimong MySSS Mobile App sa pamamagitan ng Appv Store, Google Play, at Huawei AppGallery.
Hinimok ng SSS ang mga nabiktima ng scam na ipagbigay-alam sa Philippine National Police’s Anti-Cybercrime Group at National Bureau of Investigation’s Cybercrime Division.
Nagsasagawa na rin ng imbestigasyon ang SSS Special Investigation Department (SID).
Maaring i-report ang mga text scammer sa SID sa pamamagitan ng email sa fid@sss.gov.ph o telephone number na (02) 89247370.
