Davao City – 70 na ka mga indibidwal ang nadakpan sa kapulisan sa Sta. Ana human nakalapas sa Executive Order no.55 (Curfew hour).
Sumala ni Police Major Benkalin Baluan, Station Commander sa Sta. Ana Police Station human nahinabi sa DXDC RMN Davao, sagad nadakpan mao ang mga menor de edad nga nagalatagaw gihapon sa tungang gabii.
Matud ni Baluan nga gitutukan sa kapulisan ang pagpatrolya apil mitabang ang Police Auxiliaries, ug mga Brgy.Tanod aron makontrola ang paggawas sa mga tawo panahon sa curfew hour.
Nagbahad si Baluan nga dakpon, prisohon ug kasohan ang kinsa man ang makasupak sa curfew sa dakbayan.
RadyoMan Don Pulayao
Facebook Comments
