Sta Ana PNP: Seguridad sa mga simbahan gipahugtan human sa Marawi bombing

Davao City – Mas gipahugtan sa kapulisan sa Sta. Ana, ang security measure nga gipatuman ngadto sa area of responsibility (AOR) sama sa mga malls, establisemento ingon man ang umaabot nga Misa de Gallo sa mga simbahan, human sa pagpamomba sa Dimaporo Gymnasium sa Mindanao State University, Marawi City, Lanao del Sur.

Sa interview sa DXDC RMN Davao kang PLT Col. Ronald Lao, ang Hepe sa Sta. Ana Police Station gisulti niya, apil sa gibantayan sa mga pulis ang mga lugar nga dagsaon sa mga tawo lakip na niini ang mga park.

Segun ni Lao, duha ka team sa Sta. Ana Police Station, diin kapin 30 ka mga personnel ang gi-deploy apil na ang mga sakop sa Police Auxiliary nga motabang sa pagpatrolya sa ilang area.

Subling nagpahimangno ni Lao sa Dabawenyo, kung adunay mamatikdan nga kadudahang lihok sa tawo, i-report dayon sa kapulisan o sa Task Force Davao aron dali kini ma-aksyonan.

“Kung naa tay makita nga gipangbilin diha nga mga unattended baggages i-report nato para maaksyonan sa atong kapulisan og kasundalohan kun unsay impormasyon nga atong mahibal-an masmaayo nga isulti pod nato para safe tang tanan”,sulti ni Lao.

RadyoMaN Don Pulayao