Davao City – Magpahigayon og inspeksiyon ang mga personahe sa Philippine Coast Guard Davao sa Sta. Ana Wharf lakip susihon ang ilawom sa dagat kun duna bay mga pisi nga nakakonekta ngadto sa boya nga lisod na makit-an.
Sa gihimong interview sa DXDC RMN Davao ngadto kang George Maganto, Station Commander sa Philippine Coast Guard Davao nga lakip inspeksiyonon ang mga motor bangka, liner ug charter vehicle aron pagsiguro nga luwas sa byahe ang mga pasahero.
Gipaabot ni Maganto ngadto sa tanan mga operator ug mga kapitan nga tarungon ang pagmaniho ug mosunod sa patakaran kun unsa ang gipatuman sa mga operative.
Subling gipahinumdoman ni Maganto ngadto sa mga pasahero nga siguraduhon sa mga mag island hopping nga kumpleto ug mga dukomento ang ilang gisakyan nga motor banca.
Kahinumdoman niadtong adlaw Domingo sa buntag naunlod ang usa ka motor banca human aksidenteng nalatayan ang pisi ug nalambod sa propeller hinungdan sa pagkabuslot sa kasko niini diin aduna kini sakay nga 45 ka mga pasahero ug upat ka crew nga padulong unta mag island hopping sa Samal.
RadyoMan Don Pulayao
