Sta.Cruz PNP: ‘Mt. Loay closure’ hugot i-monitor

28

Davao City – Magpahigayon og regular inspection ang Santa Cruz Municipal Police Station (MPS) aron kalikayan nga masakaan ang Mt. Loay human kini temporaryong gisirado sa mga climber subay sa direktiba sa lokal nga panggamhanan.

Sa interbyu sa DXDC RMN Davao kang Police Major Crisaldo Gaila, Chief of Police (COP) sa Sta. Cruz PNP, gibutyag niini sa ilang meeting uban ang local Inter-Agency Task Force (IATF), rason sa maong closure mao ang paglikay sa Coronavirus Disease 2019 (COVID-19) transmission labi na nga sagad gikan sa laing munisipalidad o lugar ang nagapahigayon og hiking sa area.


“Dili na nato hulaton pa nga musamot kataas ang atoang ihap sa mga matakdan (sa COVID-19) kay syempre proteksyon pud sa atong lumolopyo dinhi sa Sta. Cruz. Pero siguro discretion na ‘ni sa atong local tourism nga ipasirado (ang Mt. Loay),” segun ni Gaila.

Dugang ni Gaila nga gina-discourage usab nila ang pagsulod sa Sta. Cruz alang sa dili importanteng lakaw labi na kadtong magdala og bata nga 15-anyos paubos ug 65-anyos pataas, ug gimandoan nga magpondo sa balay samtang anaa pa ang COVID-19 pandemic.

RadyoMaN Kirby Manzon

Facebook Comments