Sta. Cruz road crash : 1 patay, 11 angol

101
Davao City – Usa patay, onse angol sa sa pagdaro sa usa ka wing van truck sa usa ka tindahan sa National Highway Barangay Darong, Sta Cruz. Davao del Sur, alas 4:10 sa kaadlawon kagahapong adlawa (Mayo 20, 2022).

Sa interbyu sa DXDC RMN Davao kang Police Major Kristine Miraña, Chief of Police (COP) Sta. Cruz Municipal Police Station, gisaysay niini nga gikan Malapag, Bukidnon padulong Davao ang wing van trick nga gimaneho ni Dave Lumbab, 22 anyos, taga Damolog, Bukidnon ug pag-abot sa lugar, nakatagpilaw kini rason sa pagkabangga sa tindahan.

“Actually initial (investigation) po natin is ang driver po is nakatulog sya. Inadmit man actually nya na naka-idlip sya eh. So pagka-idlip nya, inararo nya ‘yung nasa gilid na mga tindahan at ‘yung mga naka-park na motorcycles,” saysay ni Miraña.

Gilayong gidala sa provincial hospital ang mga biktima apan usa kanila ang gideklarang dead arrival nga mao si Edwin Stephen Arellano, 22 anyos, taga Puan, Davao City.

Padayon pa karong giinbestigahan sa kapulisan ang insidente. Samtang, anaa na sa kamot sa kapulisan ang driver sa wing van truck nga gitakdang pasakaan og tukmang kaso.

RadyoMaN Kirby Manzon

Facebook Comments