General Santos City—Samdan ang usa ka Ray John Tumampos, 23, residenti sa Purok Malinawon, Barangay San Isidro Gensan human nga nadunggaban sa wala mailhing suspek gawas nga bahin sa Cowgirl KTV Bar nga nahimutang sa National Highway, Barangay Lagao, Gensan alas 3:25 ang takna kaganinang kaadlawon.
Nasayran nga naglingaw-lingaw ang biktima uban sa iyang amigo sulod sa maong KTV bar ayha pa nahitabo ang pagpanunggab.
Pauli na unta ang mga nasangpit dihang kalit kining giduol sa wala mailhing suspek dayon gidunggab igo sa iyang bukton.
Paspas man nga misibat ang mga suspek sa wala masayring lugar samtang ang biktima, gidala gilayon sa iyang mga amigo sa Dr. Jorge Royeca Hospital.
Sa karon nagpadayon pa ang gihimong imbistigasyon kalabutan sa maong insidenti, samtang ang biktima nagpaalim nalang sa iyang samad nga naangkon sa ospital
