South Cotabato—Ospital ang gidangatan sa usa ka empleyado sa mall human kining gidunggab sa wala pa mailhing suspetsado sa usa ka resto bar partikular na sa Athena Jewel Resto Bar, nga nahimutang sa Mabini Street, Barangay Zone 4 Koronadal City, niadtong nakalabyang gabie.
Biktima giilang si Evenezer Ballao, 20, residente sa Purok Paghidait, Barangay New Ilo-ilo, Tantangan, South Cotabato.
Nasayran nga nag lingaw-lingaw ang biktima uban sa iyang mga amigo sa maong restobar apan nagkabingkil ang iyang grupo ug ang grupo sa mga nag-inum sab sa maong lugar nga misangko gyud sa pagpanunggab.
Paspas nga misibat sa wala sayring lugar ang mga suspek, samtang ang biktima daling gidala sa iyang mga kaubanan sa ospital ug pabilin karon nga nagpaalim sa iyang samad nga naangkon.
Sa kasamtangan nagpadayon ang imbistigasyon sa kapulisan kalabutan sa maong insidenti.
