General Santos City—Gisurender sa amahan nga si Ponciano Pequira Sr., 58 anyos, government employee, ug residenti sa Purok Silway, West, Gensan, ang iyang anak nga si si Ponchiano Pequira Jr. 19, estudyante, human kining nalambigit sa pagpanunggab didto sa ilang lugar niadtong nakalabayng adlaw.
Una nang gidunggab sa suspek ang iyang schoolmate nga si Janel Gardon, 18 anyos, residenti sa Biateles Street, Barangay South, Gensan human matud pa kining giatngan sa biktima samtang pauli na kini sa ilang panimalay.
Depensa sa 19 anyos nga suspetsado nga igo ra niyang gidepensahan ang iyang kaugalingon human nga siya maoy giunag dunggab sa biktima punting sa iyang nawong apan wala matud pa kini maigo sanglit iyang nailog ang kutsilyo dayon gidunggab sa biktima nga hinungdan sa iyang kamatayon.
Bingkil ang gitudlong hinungdan sa kapulisan sa away sa duruha nga misangko gyud sa pagpanunggab.
Sa kasamtangan ang suspek tingkagol na sa silda sa Police Station 1 ug takda na kining pasakaan ug kaso karong adlawa.
