General Santos – Nadala sa balay tambalanan particular na sa Dr. George P. Royeca Hospital ang biktima nga si Arapat L. Josen, 29 anyos , lumulupyo sa Barangay Tuyan Malapatan Sarangani Province human kining gidunggab sa wala mailhing suspek.
Matud pa sa kabanay niini mga alas 11:00 ang takna niadtong nakalabayng adlaw samtang nagbaktas ang biktima sa dalan sa Barangay Tuyan, Malapatan, kalit lang kining giduolan sa wala mailhing suspetsado ug kalit lang gidunggab sa walay hinungdan.
Nakaangkon ug samad sa kamot na bahin ang nasangpit kansa daling gidala sa ospital human sa insidenti. Paspas usab nga misibat ang suspek sa wala sayring lugar.
Sa pagkakaron luwas na sa kuyaw nga kahimtang ang biktima human nga gipailawom sa medikasyon. (Jennilyn Sacal)
