General Santos City—Samad sa dughan ang naangkon sa usa ka 32 anyos nga lalaki human kining gidunggab sa wala nganling suspek alas 6:00 ang takna sa gabie, kagahapong adlawa didto sa may Puork 8, Barangay Kawas, Alabel, Sarangani Province.
Giila ang biktima nga si Dennis Magson, 32 anyos, residenti sa maong lugar. Sa inisyal nga imbistigasyon sa Alabel Municipal Police Station nasuta nga nag inum ang biktima sa usa ka tindahan sa maong lugar.
Dunay mipalit nga usa ka lalaki diin gipugos matud pa ug painum sa biktima, pila ka minutos ang nakalabay, nasamukan ang suspek ngadto sa nasangpit maong iya kining gibunalan ug botelya sa nawong dayon gidunggab, gamit ang ice pick.
Paspas nga misibat ang suspek, samtang ang biktima daling gidala sa Dr. Jorge Royeca Hospital dinhi sa dakbayan sa Gensan ug kasamtangan pa karon nga giatiman sa iyang attending physician human nakaangkon ug samad dinunggaban.
