General Santos City—Gidunggab sa wala pa mailhing kawatan ang usa ka minor de edad nga si Alias Angelo, 16, residenti sa MPS Village, Barangay Fatima ning syudad alas 2:00 ang takna kaganinang kabuntagon.
Sa pakighinabi sa RMN news Team ngadto sa biktimang si Alias Angelo iyang gibutyag nga bandang kaadlawon dihang siya gipukaw sa iyang magulang aron magpakitabang human nakit-an ang kawatan nga misulod sa balay sa iyang barkada.
Tungod niini mirespondi ang mga nasangpit ug ila pang naabtan ang kawatan nga pagawas na sa maong balay. Iyang giharangan apan gidunggab na nuon kini sa suspek dayon paspas nga misibat.
Dali usab nga gidala sa Dr. Jorge Royeca Hospital ang biktima ug kasamtangan na karon nga giatiman sa mga doctor. Sa karon nagpadayon pa ang imbistigasyon sa Police Station 7 kalabutan sa maong insidenti.
