Davao City – Gustohon man nato’g sa dili, ang dakung kargo ug tulubagon sa kaugmaon sa atong mga kabatan-onan anaa gayud sa kamot sa tagsa-tagsa ka mga ginikanan. Oo, walay perpektong parents susama ra nga walay perpektong mga kaanakan mao bitaw nga ang matag usa angay magtinabangay alang sa maayong ugma sa nahauna.
Kitang mga ginikanan dili gayud makapanghunaw sa tahas paggiya sa mga batan-on sanglit kulang pa man sila sa hingpit nga kabuot ug kahimatngon sa kinabuhi.
Apan ang batan-on angay usab makasabot nga sila ra usab unya ang magkalisud kun mahitumpawak sa kaala-otan pananglit maundang sa pag-eskwela kay lagi nagsabak na man diin sa linghud pa kaayong pangedaron mamahimo nang ginikanan nga wala pa man ganiy igong hibangkaagan sa pamuyo ug panginabuhi.
Hagit karon ngadto’s tanan: Luwason nato ang usaka batan-ong in distress kun anaa tunga-tunga sa personal nag krisis, dili sila dut-an sa pagmahay ug pagbasol hinonoa, bukhon nato ang ilang mga mata, dughan ug kasingkasing sa kritikal nga implikasyon sa matag nila nga mga desisyon.
RadyoMaN June Duterte
