General Santos City—Samdan ang usa ka 20 anyos nga laborer human nga gidunggab sa iya ra usab nga kaila sa may Purok Udagre, Barangay Conel, Gensan alas 10:00 ang takna kagabie.
Biktima giilang si Rex Maratas, 20, laborer ug residenti sa Purok Udagre, samtang ang suspek giila lang ug alias Rickmel, legal age, residenti sa samang lugar.
Sa inisyal nga imbistigasyon sa kapulisan, daan nang dunay bingkil ang biktima ug ang suspek. Agusto 3, unang nagbingkil ang suspek ug ang biktima gumikan sa dili pagsinabtanay.
Gibaharan sa suspek si Maratas nga patyon higayon sila magtagbo ug kagabie dihang nakit-an sa suspek ang biktima iya kining gidunggab.
Paspas man usab nga misibat ang suspek sa wala sayring lugar, samtang ang biktima gidala dayon sa Dr. Jorge Royeca Hospital ug nagpaalim nalang sa iyang samad.
Sa karon nagpadayon ang gihimong imbistigasyon sa kapulisan kalabutan sa insidenti.
