General Santos City—tingkagol na karon sa silda sa Police Station 4 ang usa ka Julius Tejada, 22, laborer ug residenti sa Purok Udagre, Barangay Conel, Gensan kansa suspek sa pagpanunggab sa usa ka Construction worker nga si Jimmy Deposa , legal age, residenti sa Habitat Phase 2, Barangay Mabuhay, Gensan alas 2:00 ang takna kaganinang kabuntagon..
Saysay sa biktimang si Jimmy ngadto sa kapulisan nga siya nag-inum uban sa iyang mga amigo sa may Nunez St., Barangay San Isidro dihang kalit lang nga miabot ang grupo sa suspetsado.
Walay sulti-sulti matud pa siya gidunggab sa suspek igo sa iyang lawas nga bahin. Misuway pa unta ug sibat ang suspek apan siya nasikop sa miresponding tropa sa kapulisan.
Sa karon nagpadayon pa ang imbistigasyon sa kaso samtang ang biktima nagpaalim pa sa iyang samad nga naangkon.
