General Santos City—Padayon ang gihimong imbistigasyon sa Polomolok Municipal Police Station sa nahitabong pagpamusil patay sa sa biktimang si Henry Tam, residenti sa T’boli, South Cotabato kansa una nang gipusil ala 1:00 pasado ang takna sa hapon kaganina lang sa may merkado Publiko sa Polomolok, South Cotabato.
Suspek sa pagpamusil duha ka lalaki nga nakamotorsiklo. Nasayran nga igo lang naghuwat sa iyang amahan ang biktima dihang siya gipusil sa mga suspek pila ka higayon nga hinungdan sa iyang kamatayon.
Nadala pa sa ospital ang nasangpit apan gibawian gihapon kini sa iyang kinabuhi.Paspas nga misibat ang mga suspek sa wala masayring lugar human sa pagpamusil.
Nasayran nga nahimong star witness ang nasampit nga biktima sa nahitabong pagpamusil niadtong tuig 2016 ug mutambong unta sa hearing apan ayha paman kini nahidangat sa korte, siya gipusil sa mga suspek.
