General Santos City— Gikalipay ni Gensan City Mayor Ronnel Rivera ang pormal nga pag-abli sa Dialysis Center sa Dr. Jorge P. Royeca Hospital gahapong adlawa.
Mukabat sa 108 ka mga pasyente ang nahimong kwalipikado sa gihimong screening nga maoy benipisyaryo sa maong pasilidad nga gikonsiderang state of the art kon high-end nga mga makina.
Tumong niini aron nga mahatagan ug maayong serbisyo ang katawhan sa dakbayan hilabi na sa hisgutanang panlawas.
Dugang pamahayaga ni Mayor Rivera nga sa karon ilaha ng gina-planuhan nga ma-expand pa ang maong pasilidad ug madugangan ang mga dialysis machine aron nga mas daghan pa ang matabangan.
Pinaagi matud pa sa pagbutang ug mga maayong pasilidad sulod sa Dr. Jorge P. Royeca Hospital. buot nilang mabalik ang kumpyansa sa katawhan nga sa gobyernong hospital.
