General Santos City–Gipangandaman na sa mga progresibong grupo ang ilang ipahigayong State Of The People’s Address (SOPA) karong adlawng Lunes Hulyo 23, 2018 dungan sa State Of The Nation Address (SONA) ni Pangulong Rodrigo Duterte.
Sumala ni Ali Macalintal Tigpamaba sa grupong Karapatan nga mukabat sa 1,500 ang ilang gilaumang musalmot sa maong aktibidad nga ipahigayon sa Koronadal City.
Tumong niini aron nga ipanawagan ang mga nag-unang problema nga ginatubang sa katawhan ilawom sa pagdumala ni Pangulong Duterte.
Usa sa mga isyung hisgutan atol sa ilang SOPA mao ang bahin sa kaso sa pagpang-abuso tungod sa martial law sa Mindanao, pagtaas sa presyo sa mga palaliton, militarisasyon ug kontraktwalisasyon.
Gihingusgan ni Ali Macalintal nga hangtud sa kasamtangan pakyas gihapon ang gobyerno sa pagtubag sa mga nag-unang isyu sa nasud ug gani mas nagkasamot na matud pa sa kalisud ang panginabuhi sa katawhan.
