Davao City – Ipaagi sa ensaktong proseso ang himoong pagtanggal sa pribilehiyo sa scholarship sa mga estudyante sa gobyerno kinsa ma-establisar nga nisalmot sa mga street protest ug anti-government rallies batok sa estado.
Sumala ni Jaffar Marohomsalic, Sangguniang Kabataan (SK) Federation President, way rason nga moapil sila inay motabang na lamang sa gobyerno sanglit ang matag usa adunay responsibilidad ngadto sa ilang komunidad.
Kahinumdoman nga mismong ang National Youth Commission (NYC) nagsugyot nga hikawan na sa oportunidad sa pagdawat sa hinabang-edukasyonal ang gitawag niini nga mga ‘rebellious student activists.’
Sa pikas bahin, gitataw usab ni Presidential Spokesperson Salvador Panelo nga dili basta-basta ang pagtangtang sa state scholarships apan otra-cosa kun ang estudyante madakpan ug makasuhan na unya sa mga kasong rebellion o sedition.
RadyoMaN Bernard Pantallon
