Malaybalay City, Bukidnon – Bisan ug grantees sa national government ang pagsulod sa Small Town Lottery kon STL, angayan matud pang respituhon usab niini ang local government unit kon LGU’s.
Sa interview sa RMN Malaybalay ngadto kang Board Member Melchor Maramara, gibutyag niini nga angayan pa gihapong mananghid kini sa mga lokal nga panggagamhanan.
Una nang gikuwestiyon ni Malaybalay City Vice Mayor Roland Detection ang pagdaghan sa STL sa siyudad nga walay permit gikan sa City Licensing Office.
Hinoon gidayeg ni Maramara ang tumong sa STL tungod isip pangontra sa illegal nga sugal nga swertres.
Wala matud pay mapala ang gobyerno sa mga illegal nga sugal apan sa STL nga adunay share nga mahipunta ninii sa PCSO nga itabang usab sa mga kabus.
Una nang nagpagawas ug resolution ang Sangguniang Panlalawigan nga nagpahimangno sa PCSO Bukidnon ug sa Trento gaming and leisure corporation nga manguna sa proseso sa consultation sa tanang STL nga kinahanglang i-endorso gikan sa mga Sanggunian.
Ang STL nabuksan ug napadagan pinaagi sa Trento gaming and leisure gaming corporation kaniadtong Agosto 28, 2017 bisan ug walay pormal nga approval gikan sa mga LGU ug mga Sangunian.
Ang proseso sa consultation kinahanglang tahuron ug i- obserbar sa tanang tigpapatigayon nga musulod sa probinsya aron magpa-ila-ila sa ilang mga produtkto ilabina kadtong maka apekto sa kinabuhi sa mga tawo sama sa sugal kung asa mas daghan ang peldi kaysa daugan.
