General Santos City–Abli gihapon si Brgy Dadiangas South Kapitan Alvin Veneracion sa planong pag-operate subli sa small town lottery (STL) dinhi sa Gensan luyo pa man nga kanhi na kining nabasura niadtong nakalabayng tuig sa Sangguniang Panglungsod.
Sumala ni Kapitan Veneracion, walay problema kaniya kung mag-operate pag-usab ang STL basta ila lang masiguro nga walay teknikalidad ug ilang matuman ang tanan nga gina-require sa syudad ayha sila maka-operate.
Dugang pahayag niini nga isip malambuong syudad sama usab sa Davao, Cagayan ug uban pa, dili gyud malikayan nga musulod ang susamang klase sa sugal sama ra usab sa mga Casino nga namuntar sa mga malambuong lugar.
Dako usab ang pagtoo ni kapitan veneracion nga tungod ilawom man sa PCSO ang STL makahatag kini ug ayuda pinancial sa syudad paingon na sa mga benepisyo alang sa mga lumolopyo nga magkinahanglan ug tabang.
Luyo niini aminado hinuon kini nga bisan pa man maka-comply sa ilang mga requirement ang Trento gaming corporation aron maka-operate ang STL sa syudad sa Gensan, dili pasabot nga dili na kini monitoron sa gobyerno tungod sa posibilidad nga maabuso kini pinaagi sa pagpasulod ug iligal nga mga padula sama na lamang sa last two nga hangtud karon ghinadid-an pa giuhapon sa syudad. (Jordan Britos)
