Ginkakibot kag ginkalain sang iya nga buot suno kay Sto. Niño Mayor Pablo Matinong Jr. nga ang rason sa pagkakas sa iya sang police power ukon supervision sa Pnp sa banwa base sa resolution sang Napolcom ang tungod sa padayon nga pag-engage sini sa illegal drug trade/activity base suno pa sa padayon nga validation sang mga intelligence agencies sa pungsod.
Suno kay Mayor Matinong sang ginpatigayon gani ang oath-taking nila sa PDP laban klaro naman nga wala na siya sa narcolist tungod hugot ang polisiya sang partido nga bawal nga magtake-oath ang yara sa narcolist ni Presidente Rodrigo Duterte.
Ginhatagan pa punto ni Mayor Matinong nga wala sang kamatuoran nga imbolbado siya sa illegal drug activity kag isa pa ginkadtuan na niya ang mga intelligence agencies sang gobyerno agud nga klaruhon kag limpyohon ang pangalan.
May-angot sini, ginsiguro ni Mayor Matinong nga magapadayon ang iya pagserbisyo sa katawhan sang Sto. Niño bisan pa nga ginkakasan siya sang police power.
Apela niya naman sa katawhan sang Sto. Niño nga indi magpaapekto sa nagakatabo sa subong.
