Davao City – Dakong kadaut ang gihatud sa lapad nga pagbaha sa Santo Tomas, Davao del Norte niadtong Domingo (Pebrero 14, 2021) rason nga gipailawom sa State of Calamity ang entero munisipalidad ilawom sa Resolution No. 40 Series of 2021 nga gipagawas sa Local Government Unit (LGU) sa Santo Tomas.
Nagsumikad usab ang deklarasyon sa sugyot sa Municipal Disaster Risk Reduction and Management Council (MDRRMC) pinaagi ni Mayor Ernesto Evangelista tungod sa epekto sa kalamidad.
Miabot sa 6,545 ang apektadong pamilya gikan sa napulo (10) ka mga barangay nga mao ang musunod:
Brgy. New Katipunan (2,200 families)
Bgy. Kinamayan (1,638 families)
Brgy. San Miguel (1,131 families)
Brgy. San Jose (352 families)
Brgy. Tibal-og (660 families)
Brgy. Kimamon (100 families)
Brgy. San Vicente (15 families)
Brgy. Pantaron (53 families)
Brgy. Lunga-og (98 families) ug
Brgy. Salvacion (298 families)
Sa sektor sa agrikultura, muabot sa P47,499,225.83 ang damyos nga gilangkuban sa mga humayan, maisan, sagingan, gulayan, livestock and poultry, ug fisheries.
Samtang, sa imprastraktura, anaa sa P8,032,096 damyos nga gilangkuban sa mga tulay, kadalanan, mga eskwelahan ug uban pa.
RadyoMaN Kirby Manzon
