Sa interbyu sa DXDC RMN Davao kang Police Staff Sergeant Michael Lacaba, Police Non-Commissioned Officer sa Santo Tomas Municipal Police Station (MPS), giila niini ang mga dinakpan nga si John Lloyd Mamonta, 19 anyos, residente sa Purok 5, Barangay San Jose, Santo Tomas, Davao del Norte.
Nakuha sa dinakpan ang mga pakete sa gituohang shabu nga anaa sa 0.1 gramos nga adunay P1,360.
Samtang, dakpan usab si Vincent Esplaguera, 20 anyos, residente sa nahisgutang lugar nga nakuhaan og 6 gramos sa marijuana nga anaa sa P720 ug 0.5 gramos sa gituohang shabu nga anaa sa P780 ang kantidad. Nakuhaan usab ang suspek og homemade pistol ug hand grenade.
Giandam ang tukmang kaso nga ipahamtang sa nadakpang mga indibidwal.
Pahimangno sa pulis labi na sa kabatan-onan nga likayan ang pagbuhat og iligal nga aktibidad.
“Reminders lang nato sa mga kabatan-onan nga likayan ‘ning mga iligal nga droga ug iligal nga binuhatan para naa pa ‘tay mga future sa atong mga umabotay nga trabaho ug sa atoang mga love life,” panawagan ni Lacaba.
RadyoMaN Kirby Manzon
