Manila – Isa ka video subong ang viral sa social media angut sa natabo nga bullying incident sa high school department sang Ateneo de Manila University kun sa diin makit-an nga ginkastigo sang isa ka magamay nga estudyante ang naga-ihi nga estudyante sa sulod mismo sang CR.
Ginkilala sang mga netizens ang bully nga si Joaquin Montes nga isa gali ka taekwondo champion sang amo nga boluthoan.
Makit-an sa amo nga video nga ginpapili sini ang biktima kun bala “bugbog ukon dignidad”.
Apang wala nagpili ang amo nga estudyante kabangdanan ini ang gintapungol kag ginsipa sang ni Montes nga nagresulta sa pagdugo sang bibig sang makaluluoy nga biktima.
Samtang base sa mga nagalapta nga mga videos sa social media, makit-an nga madamo na sang ginbully nga kaangay sini nga estudyante ang nasambitan nga si Joaquin Montes.
May kaangut sa amo nga insidente, nagpaguha na sang opisyal nga pahayag ang tagdumalahan sang Ateneo de Manila University kun sa diin ginpasalig sang mga ini nga magapatigayon sila sang maid-id nga imbestigasyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
