Gibutyag ni Police Lt. Col. Mardy Hortillosa ang Spokesperson sa Police Regional Office o PRO 10 nga temporaryo lamang ang ilang storage facility nga nahimutang sa training center sa Barangay Gusa ning dakbayan.
Kini gumikan kay wala pay storage facility ang kapolisan tungod kay ang requirements kinahanglang 3 kilometers away gikan sa mga kabalayan.
Dugang pa sa maong opisyal, nga sa karon wala pay nakitang lugar ang PNP-10 ug kung naa man didto kini makita sa bukirang bahin ug delikado sa security sa mga personnel ug mga gamit.
Giklaro usab niining ang mga gibutang sa storage facility mga unexploded explosive ordnance nga kanhi napunitan, gani ang uban niini posibleng naggamit niadtong panahon sa mga hapon ug ang uban mao ang nadesisyunan nga mga kaso sa korte.
Matud pa nga ang kainit sa panahon ang hinungdan nga adunay nahitabong kemikal reaction ug nangbuto ang mga bala ug granada.
Gibutyag ni Hortillosa nga ang kapolisan nasayud nang adunay posibilidad nga mangboto ang gibutang nga mga war armaments apan sa area nga secured ug walay maanging indibidwal.
Matud ni Hortillosa nga gi-disposed na niadtong adlawng Sabado ang uban nga mga war armaments nga gibutang sa storage facility sa training center sa kapolisan.
Kini ubos sa rekomendasyon na usab sa Explosive Ordnance Disposal kon EOD ning rehiyon.
Tungod niini, gipangayoan kini og clearance sa Camp Crame ug Camp alagar ug gihimo-an og documentation.
Giklaro ni Hortillosa nga ang mga gipang-disposed mao lamang kadtong mga gagmay nga kinahanglan na ipabuto.
