Zamboanga City- Uno el ya sale muerto na brgy Labuan endenantes madrogada despues experiencia el que se llama storm surge na mencionao lugar, mientras montonadas del maga caserias el ya man anud.
Con el victima ya identifica como si Sonny Tadjari-Panglima , un senior citizen, que donde ya precura segun este salva con su maga galamiton adentro na diila casa que ya lleva hace anud el grande-grande marijada hasta ya sigi ya le man anud para na la mar.
Asegun con el Brgy Capitan del Labuan Ronald Maravilla, anoche pa ya prinsipia experiencia fuerte aguasero y sin descanso ya este hasta endenantes madrogada y ya experiencia ya sila storm surge.
Mientrastanto, semehante tambien suceso el ya experiencia el Brgy Patalon, donde na entrevista del RMN-ZAMBOANGA con el Capitan Gaudencio “Bong” Rojas cuantos del maga caserias el ya sigi man anud y ya evacua ya cuantos del maga residentes.
El CDRRMO chief Dr. Elmier Apolinario ya habla que ya tiene ya le que embia con su maga peronajes para na maga affectao lugar paraber puede dale assistencia con el maga affectao residentes.
