Gibulgar ni City Councilor Franklin Gacal Jr., Chairman sa kometiba sa Peace and Order and Police Matter sa Konseho, nga usa ka opisyal sa Executive Department sa City Hall ang nakig tagbo sa financier sa last-2 kauban ang usa ka Grace Mercado usa sa operator sa Small town lottery STL sa Gensan.
Nagdumili una si Gacal sa pagbulgar sa pangalan sa maong official tungod kay gusto una niining mahinabi ug ma-isplikar sa nahisgutang opisyal ang rason kong nganong ana-a kini sa panagtagbo sa mga gambling Lord sa sugal.
Basi sa pahayag ni Konsehal Gacal, bag-ohay lang nagkatagbo ang mga financiers, coordinators ug si Grace Mercado aron hisgutan ang operation sa illegal Last-2 kung diin mitambong ang dakong official sa City Hall ubos sa opisina sa Mayor, dugang sa konsehal nga naghanyag matud pa si Grace Mercado nga i-legalize ang operasyon sa last-2 bugti nga mohatag bahin o porsento ang financier sa illegal Last-2 operation sa syudad.
Iba na talaga ang buhay ngayon talagang weather-weather, dakong challenge ni Mayor Ronnel Rivera kining maong eskandalo, mag matter dinhi ang accountability of public officers, diin dayag sa constitution , Public office is a public trust. Public officers and employees must, at all times, be accountable to the people, serve them with utmost responsibility, integrity, loyalty, and efficiency, act with patriotism and justice , and lead modest lives.
Kung tinuod nga nakighalobilo nakig negosasyon ang usa ka government officer sa mga grupo sa gamblers naa pa kaha kini dignidad? Responsabli pa ba kini? Naa pabay loyalty sa balaud,makabayan paba ang usa ka opisyal nga makig-lambigit sa sindikato? Mahimo paba kining modelo sa katawhan nga alang sa pagka law abiding citizen?Pagka walay delicadeza nga opisyal kon kinsa man kining gipasabut ni konsehal Jeng Gacal, atong paminawon ang gibulgar ni kagawad Gacal sa report ni Kasamang Lore Romualdo.
Usa ka dakong insulto kini sa kapulisan ug lideratu ni Mayor Ronnel Rivera, mi si-aw ning mga ilegalista sa General Santos kay gipasagdan raman sa LGU- GenSan, kini lang operasyon sa STL iligal man gyud ni kay aminado si Mayor nga wala application ang PCSO nga gi-sumiti aron mahimong basis sa pag issue ug letter of no objection , aprobahan sa City Council for resolution kay ang kulang sa STL operation concurrence lang apan wala mahitabo pero ang STL outlet matud pa mura lamang ug sari-sari store nga makita bisan asa nga kanto sa dakbayan, karon pati last-2 himoong legal?
Si Mayor Ronnel Rivera namahayag nga wala siya masayud kong kinsa nga official ubos sa iyang buhatan ang nakig meeting sa taga Trento gaming ug financier sa last-2, giklaro sa Mayor nga walay iyang gitugutan nga makig dayalogo sa mga gambling Lord busa iyang pa-imbestigahan ang gi-expose ni konsehal Gacal. Aminado usab ang alkalde nga pabilin pang gihimo ang negosasyon tali sa PCSO ug City Government kabahin sa operasyon sa STL sanglit hangtud karon walay concurrence sa Small town lottery sa Gensan.
July 10 mi-lingkod isip Officer in-charge sa GenSan City Police Office si Col. Romeo Ruel Berangao, kontrobersiya ang paghulip niini gumikan kay si Mayor Ronnel Rivera mipalag kay walay listing nga gihatag ang Napolcom ug PNP nga mahimong kapili-an nga sunod nga mahimong City Police Director nga SOP nga ginahimo sa panahon nga ma-relieve ang Chief of Police,gawas ni Mayor Rivera mipakitag pagsupak usab si Konsehal Gacal sa paglingkod ni Berango gumikan sa isyo nga nalambigit kini sa illegal gambling.
Gumikan sa maong akusasyon mipahayag si Col.Berango nga iyang sumpu-on ang all forms of gambling, gani mihatag kinig memorandum sa tanang Station Commanders nga mag lunsad ug intensified operation, misaad si Berango nga kon mapakyas ang Station Commanders lakip siya sa pagsumpo sa iligal nga sugal siya na mismo ang mo biya sa General Santos. Karon ang pangutana may nahimo naba si Berango sa illegal Gambling? Na unsa mani nga nagkatagbo naman hinoon ang mga financiers ug Coordinators aron mas palapdan ma-legalize ang operasyon sa last-2? Ang pangutana wala kaha malakip sa panagtagbo ang Police, basin ba kon lakip nga may bahin ang kapulisan aning gihimong negosasyon? Pangutana lang ba.
Nagkabit-kabit naman hinoon ning isyo sa sugal sa GenSan, asa kaha ang simbahan nganong wala may piya-it aning isyo sa sugal,tak-um man ang baba sa religious sector nga sugal immoral mani. Si Mayor Rivera usab daw sa gipasagdan ang illegal operation sa STL tan-awa migara, namimihasa ang gambling Lord,sakyan pa ang iligal kay gipasagdan raman, imbes kay illegal ang last-2, karon kay magikero man ang Gambling Lord nakakita ug lusot na magamit ang STL ubos sa PCSO aron mahimong legal ang ilang operasyon dili lang mga magikero mga scientist pa ning mga tawhana.
Kung kinsa man kining opisyal sa syudad nga nakig kunsabo sa mga financier ug Coordinator pagka kubalon sa imong nawong? Wala gyud uroy ka na-uwaw sa imong gi- buhat? Paburot ka gyud taman sa ginhawa, gisakyan gyud ang panahon kay nakapungko sa kabaw, sopsop gyud kay basin sunod election dili na makadaug ang amo, murag mga alimatok paburot ba kay co-terminus ra gud ming mga tawhana,sayang ang panahon nga ana-a sa posisyon,wala sa ilang bukabolaryo ang delicadeza, moral values,dignidad ug responsibilidad kay nag una sa ilang utok nga makasapi,maka kwarta bahala kon gikan sa lega o illegal man nga tinubdan, dili ta gusto nga mahimo kitang City of illegal gambling instead of Tuna City Capital.
Sa ako ng gi-ingon hagit kini ni Mayor Ronnel Rivera, nga ipatigbabaw ang rule of law adunahan na si Mayor Rivera unsa pamay pangita-on niya, naa na niya ang tanan, unta ipakita sab niya nga may political will nga walay molabaw sa balaud aron makita sa publiko nga ang syudad sa GenSan, lugar nga nipatigbabaw ang balaud mga law abiding Citizen kita dinhi, dili kay nahimong pugad kita sa mga iligal nga kalihukan, kon dili man ikaw Mayor Rivera ang opisyal nga gipa-sabut ni Konsehal Gacal, kong kinsa manang poncio pilato na, dapat imo ng tanggalan ug pako o kaha sungay kay makadaut na nimo basin ug mao rana ang maka ti-urok sa imong political carrier tungod kay mga sindikato nang dagko nga mga opisyal nga nagpalibot sa imo saka Mayor Rivera sir, hangtud karon magtuig nalang ng STL operation wala gihapoy concurrence?
Nganong in-ana kadugay ang action sa PCSO, ka-minus man seguro ng Official sa imo gibali-wala raman ang imong pakighinabi sa PCSO Local Officials,daghan rabang feedback nga nagdawat daw ang Mayor ug 3-porsento sa STL Operation, ang Barangay Captain 1-percent ang Police Station Commander nagdawatan daw ug allowance matag bulan eh kon midawat ang Station Commander, mas labaw na seguro ang City Police Director? Ako diko motu-o ani ba, ambot lang ni Konsehal Gacal kon tinuod bani? Pero kon dili masumpo ang iligal nga operation kay gilangan-langan nga bisan kon klarong iligal pero gipangitaan ug paagi nga mo gawas nga legal, ang itum gustong paputi-on ba, basin motu-o naku nga basin tinuod ang milagro?
Ang iligal magpadayon gyud na kong may naka benepisyo kong may nakatotoy, gihimong milking cow tinubdan sa salapi ang usa ka butang, proyekto o operasyon ,mura na siya ug panultihon sa gugma nga nag ingon mapugngan pay baha, sa tagalog hahamakin ang lahat masunod ka lamang, mao bitaw nga daghan sindikato ug protector nga opisyal kay mapugngan pay baha kon binandol nga kwarta ang imong madawat. Itum pa sa ata sa nokos!
