Subling gibulgar ni Presidente Rodrigo Duterte nga mokabat sa 40-porsento sa Brgy Officials nga nalambigit sa illegal nga droga hinundan nga gusto niining mag tudlo ug Barangay Officials. Ang nahisgutang mga Barangay Officials mga adik ug naga- protekta sa mga Pusher ug Drug Lord sa ilang Barangay dili lamang Opisyal sa Brgy kon dili lakip ang mga Mayor. Sumala sa Pangulo nga kada adlaw adunay linibo nga ga-surrender sa otoridad gikan sa gibana-banang 2.5 million nga involve sa illegal drug lakip na ang police gani may mga General nga lakip sa operasyon sa drug trade sa tibuok Pilipinas. Gipasabut usab ni Digong, nga nasayup siya sa iyang pa- mahayag nga kaya niining tuldokan ang problima sa illegal drugs gumikan kay dili pa tukma ang datus, apan dihang nasayran nga grabi kalawum sa ugat sa drug contamination nangayo kinig pagsabut sa publiko nga madugayan ang pagsulbad ug ipadayon ang war against illegal drugs.
Kini nga mga Kapitan o kaha Kagawad nga nalambigit sa operasyon sa illegal drug mga walay balati-an nga mga opisyal, mga traidor sa katawhan nga nisalig sa ilang tukma untang pagserbisyo apan diay promotor sa yawan-ong binuhatan nga maka guba sa kaugma-on sa kabataan nga mabuang sa bisyo. Kung adik ug protector sa droga ang Kapitan o kaha konsehal walay kala-inan sa pangurakot, kay kon naka himo ug sindikatong binuhatan ang Barangay Official, tuloy-tuloy nana dili impo- sibli nga mangurakot usab sa kwarta sa katawhan, kon magkalisod pa hut-on ang pundo sa Barangay aron gamiton sa ilang dautang bisyo pagka makaluluoy sa mga katawhan kon ugaling ang ilang Barangay Officials drug adik o kaha protector.
Ang Philippine Drug Enforcement Agency Region-12 gikumpermar nga may daghan mga Barangay Officials nga nalambigit sa iligal nga droga. Sumala pa ni PDEA-12 Regional Director Gil Castor, nga may Barangay Official nga Protector sa illegal drug partikulat sa South Cotabato, North Cotabato, pipila sa General Santos City ug Sarangani Province kung diin ilang gipa-ubos sa berepikasyon, hinoon gitataw ni Gil Castro nga dili hinoon mo-abot sa 40-porsento sa Barangay Officials nga involve sa illegal drugs sa rehiyon labina nga mi-abot na sa 70-porsento nga kabarangayan sa Region-12 na nadeklarang drug free sumala pa ni Castro.
Si Kapitan Joey Denopol sa Barangay East , duda nga tinuod ang report nga moabot 40-porsento sa Barangay Officials sa nasud ang nalambigit sa operasyon sa illegal drugs. Kon may gigunitan man nga datos ang kapulisan angayan nga kini klarohon ug dili lang kay para lamang sa accomplishment, giseguro usab ni Kapitan Denopol nga sa iyang Barangay walay adik o kaha protector sa illigal nga droga kay aminado ang mga opisyal sa Barangay East nga makadaut gayud ang maong bisyo.
Ang Police Regional Office-12 dili maka butyag kon pila ang datos o porsento nga Barangay Official nga nalambigit sa iligal nga droga. Gi-angkon ni PRO-12 spokes- man Supt.Romeo Galgo nga walay listahan sa government official nga involve sa illegal drug trade ang PRO-12 apan aminado kini nga may Barangay Official gayud sa Rehiyon nga adik ug protector nga maoy target karon sa operasyon sa kapulisan basi na sa hugot nga mando ni PNP Chief Director General Bato Dela Rosa nga bag-o lang mi-bisita sa PRO-12.
Now gipanghinambog ni Presidente Rodrigo Duterte nga bisan kinsa ang matamaan sa iyang kampanya sa iligal nga droga wala siyay paki-alam madatu Kaman o ma- sapian target ka sa Giyera batok Droga. Gani gitubag ni Digong ang mga kritiko na mga pobre lang ang nangamatay sa war against illegal drugs ug dili ang mga Big Fish sama sa Bigtime Pusher ug Drug Lord, sumala pa sa Pangulo nga daghan nga dagkong isda ang nasampulan sa administrasyon sama nilang Albuera Leyte Mayor Rolando Espinosa, Ozamiz City Mayor Reynaldo Parojinog, lakip nga gipasigarbo ni Duterte ang nitalaw na nga si Iloilo City Mayor Jed Patrick Mabilog nga Drug Lord kansang misibat na sa Japan ug wala na mibalik sa Pilipinas.
Kung tinuod man ugaling ang listahan ni Digong tama lang nga ma-sentensiyahan kining mga sindikatong Barangay Officials, apan unsaon nalang kong mabulilyaso ang ana-a sa listahan sama adtong Gobernador nga unang ginganlan ni Digong but after few days gibakwi ang report kay nasayop daw ang intelligence report, gibawi man but the damage has been done ika nga. Katong kay Kian Delos Santos, unang gideklarar sa Police nga tig deliver ug droga sa iyang amahan ug uyo-an pero na found out nga dili diay tinuod kay gi-planted lang ang evidence sa batan-on, pero ang kasaypanan nagdala sa kamatuoran nga dili na mabuhi ang bata kay namatay na.
Kinahanglang klarohon, ika nga sa panultihon maka pitong isipin, i-validate tapos i- counter check kay basin ug gitumo-tumo-an lamang ang subject, may nasuko o kaha kasina ang Police o kaha informer sa imo, gitudlo kalang unya kulang sa pag validate diretso lusob, tokhang dayon maka guba ug kinabuhi mawagtang ang ma- ayong purpose sa proyekto. Dili lang usab ang Barangay tutokan tungod kay labaw sa tanan ang Otoridad sama sa Taga PDEA ug PNP nga utro usab nga nalambigit sa kalakaran sa iligal nga droga, mag unsa man ang sigeng pangdakop sa civilian ug Barangay Opisyal kon ang manakopay utro sab diayng dakpunon kay protector o kaha adik nga dako? Ang Public Official is a public servant ug ang Constitution nag mando nga dapat ang Public Official ma- elected man o organic Public employee govern by the civil service law and the constitution itself nga mo serbisyo nga may responsibilidad, integridad kong ang nangulo nato mga sindikato mga buang dayag nga ang katawhan mga buang pod ka yang opisyal maoy ehemplo sa katarung sila ang idol sa civilian, ginahangad sila sa kabataan now kon makita sa kabataan ang dautang binuhatan sa tigulang, sundon kana sa mga bata kay tungod sa uso, ang Barangay Government gi-ilang grass roots, diha nag sugod ang basic foundation sa pang goberno, unsaon nalang kong ang batakang goberno ang mag silbi mga adik ug protector sa sindikato, segurado palpak ug gubot pas lukot ang kaugmaon sa mga residente nga gi-alagaran ning klaseha nga mga opisyal.
