Namahayag ang Malacañang nga gikunsiderar ni Pangulong Rodrigo Duterte ang posibilidad nga subling i-extend ang Martial Law tungod sa hulga sa state-inspired terror groups nga gikunsedirar nga mikuyanap sa pipila ka bahin sa Mindanao. Si Presidential spokesman Harry Roque, mipadayag nga gihulat pa gihapon sa Pangulo ang rekomendasyon sa Armed forces of the Philippines kon ipadayon o undangon na ang implementasyon sa balaud militar nga gikatakdang matapos sa December 31, 2017. Dugang ni Roque, nga mohatag sa iyang desisyon karong semanaha o kaha sunod semana si Presidente Duterte aron mahabol ang nakatakdang recess sa kongreso karong December 15, 2017.
Pero karon pa lamang namahayag si Joint Task Group Ranao Deputy Commander Col.Romeo Brawner Jr., ang extension sa Martial Law makatabang ug dako sa ka- samtangang rebuilding sa dakbayan sa Marawi, apan gitataw sa official nga ang Higher Headquarters lang gihapon ang mohatag ug final recommendation sa his- gutanan sa Martial Law extension.
Madumduman nga unang gideklarar ni Pangulong Duterte ang Martial Law sa pulo sa Mindanao niadtong Mayo 23, 2017,pero nasibog kini sa December 31,2017 sa panugot sa Kongreso kung diin 244-ka kongresista ang mipabor samtang 16- ka mga Senador ang mipabor sa nahitabong botohay atol sa special session niadtong July 22,2017 unang hugna sa Martial Law Extension sa Mindanao. Atong atangan kong kining 261-ka mga Kongresista ug 16-ka mga Senador subling mo pabor sa pagpalawig sa balaud militar.
Kon ako ang pasultihon pabilin ang atong baruganan nga dapat dili na ma- extend pa ang Martial Law kay dili ba diay makalihok ang PNP ug AFP kong wala ang ML ila mang mandato ang pagpasibaw sa kahusay ug kalinaw, ang Visayas ug Luzon may kasamok man sab nga mitumaw ug hulga sa terorismo nganong wala man nag ML sa ila nganong ang Mindanao pito ka bulan nang napa-ubos sa Martial Law. Okey lang seguro kadtong binakbakay pa sa Marawi pero karon nga gideklarar na mismo ni Digong nga gawasnon na ang Marawi sa mga kamot sa Maute-Isis tama naman seguro nga ibalik na sa normal ang tanan kay bisan tuod kon mingaw man, walay pagpangabuso ang Martial Law, karon duna gyuy dautang epekto niini labina sa atong civil rights.
Granting without admitting nga lahi ang Martial Law karon kumpara kaniadto sa pa- nahon ni Marcos, apan dili ikalimod nga sa ubang lugar sa pulo sa Mindanao adunay natala nga abuso ang suspension of writ of habeas corpus usa sa nabiktima niana karon diri sa General Santos City kadtong 19-anyos nga si Philip Bacudo madala sa hukmanan pinaagi sa mando sakorte ug hangtud nga magpabilin ang balaud militar si bisan kinsa kanato posibling madampot sa Police ug Militar nga walay warrant of Arrest o kaha i-raid nga walay search warrant busa dili kita mahimong kampante sa Martial Law. Apan kong ma-aprobahan sa Kongreso pinaagi sa balaud ang atong mahimo mao usab ang pagsunod niini kay balaud man, ang ato lamang nga unta adunay tinuod nga konsultasyon sa Mindanaoan nga himoon sa Goberno dili kay ang ilang pagbuot gilayon ang matuman labina nga ang yanong katawhan ang ma- apektahan,salig lang man ang mga opisyal kay dili sila apektado sa cross fire kay gamhanan man, makaluluoy ug prone sa abuses ang civilian labaw sa tanan.
Dili man sab hinoon ikalimod nga diri sa Mindanao daghang samukan, mga armed group nga hulga sa peace and order sa Mindanao sama sa Maute-Isis, BIFF, NPA ug uban pa nga dapat pulpogon pa sa armadong kusog sa nasud. Pero sa akong gina- ingon pwede man nga pu-ohon sila sa Militar nga dili na magdeklarar ug Martial Law kay sa madugay ug madali posibling motumaw ang pagpangabuso kong ubos kita sa Martial Law,balaud militar gud ,kong wala pay nahitabo karon posibling ma- hitabo ang unsa mang pagpangabuso nga dili nato mabantayan labina nga sigeng sibog sa Martial law gikan Mayo hangtud Julyo na uswag sa December 31 kung ma- sibog nasab hangtud kanus-a naman pod basin ug matapos nalang ang termino ni Duterte martial Law nalang permi, limitado ang atong lihok kumbaga magkinto kita kong may Matial law, apektado ang civil right usa niini ang pagdala ug armas nga lisensiyado under Martial Law law bisan naa kay Permit to carry PTC suspendido ang prebiliyo, ang naka-itum sa ata sa nokos ka yang mga kreminal sama sa Gun for hire yanong nakadala ug armas, yanong makapatay. Gided-an ang Legalidad sa pagdala ug armas para self protection, apan ang mga kreminal gawasnong maka- pamusil asa ang justice sa Martial law busa dapat tama na sakto na, lihok mo mga Sundalo ug Police nga dili magsalig ug Martial Law, dako man ug Budget ang AFP ug PNP gamita nang budget para sa intelligence monitoring dili sige salig sa M-Law.
Si Task Force Bangon Marawi Housing Czar Eduardo Del Rosario, mipadayag sa pag suporta sa giplanong Martial Law Extension nga unang gibutyag ni AFP Spokesman Maj.General Restituto Padilla nga gusto sa armadong kusog sa nasud nga i-extend ang Martial Law aron hingpit nga mabungkag ang rebellion sa Mindanao. Sumala pa ni Del Rosario nga mapadali ang implementasyon sa pagpabarog sa Marawi lakip na ang pagukod sa mga nahibiling terorista kong ubos sa Martial Law ang Marawi, 200 thousand ka residente ang na displaced atol sa kapin lima ka buwang engkwentro tali sa Maute-ISIS ug tropa sa Goberno. Dugang pa sa Task Force Bangon Marawi nga may pipila ka taho nga adunay massive recruitment ang Islamic State Maute Affiliated group human sila napukan sa government forces niadtong October lang busa angayan lamang nga lugwayan pa ang balaud militar sa Mindanao, ni-angal usab ang Task Force Bangon Marawi kay adunay Contractor mga laborer nga ma- hadlok nga mo trabaho didto sa Marawi kay basin ma-angin sa kaguliyang ug sa kabalaka nga basin kalit nga mo-atake ang teroristang grupo.
So kon in-ani ang dagan sa Marawi angayan lang nga i-padayon ang Martial Law sa ilang syudad o kaha sa intero Probensiya sa Lanao del Sur sama sa gihimo ni Kanhi President Gloria Macapagal Arroyo, sa Maguindanao during Ampatuan Massacre sa tuig 2009 aron bungkagon ang Private Army kadali raman gani to, karon 7-months na ang Martial Law,sakong gi-ingon na dili diay mapuhag, mabungkag ang terorista kong walay Martial law oh come on. Ipadayon ang pagukod sa armadong grupo ma terorista, rebilde aron makab-ut ang tinuod nga kalinaw sa Mindanao, dili lang kay magsalig sa Martial law kay bisan unsa-on apektado ang atong civil rights ang mga taga Mindanao Peace loving People,dugay’ng panahon nga nagpaghot ta sa buwan sa hisgutanan sa kalinaw ug kalambo-an.
