Mamilegro nga mabasura ang accomplishment ug gisang-at nga mga kaso sa kanhi liderato sa Philippine Drug Enforcement Agency PDEA-12 ubos ni Ex-Regional Director Gil Cesario Castro ug laing napulo ka PDEA agent nga nasipa sa position tungod sa isyong kawat dihang nahanaw ang 32-milyones nga kwarta ug mga alahas sa panimalay ni Tambler Brgy. Kapitan Bualan.Sa nahipos nga impormasyon sa RMN-Gensan nga posibling ma-dismiss ang mga kasong gipasaka nila ni Kanhi Regional Director Castro labina ang mga high profile o high Value target sa drug watch-list, sama nilang Mayor Jojo Lopez sa Maasim Sarangani, Balong Espinosa sa South Cotabato ug uban pa nga nadakpan sa padayon war on drugs sa Duterte administration.
Gikabalak-an nga posibling ma- thank you ang accomplishment kay walay mipakita nga taga PDEA nga ana-a sa side sa prosecution nga maoy nipa- saka sa kaso batok sa mga big fish o dagkong isda sa kalakaran sa droga.
Pagka sayang sa effort paningkamot sa otoridad partikular sa PDEA mga mi gugol ug oras, kahago labaw sa tanan ang gasto nga gipundo sa goberno sa PDEA alang sa kampanya sa iligal nga droga mawagtang lamang kong ma- basura lamang ang kaso? Tataw nga gipadayag ni Atty. Psyche Mamadra nga bisan kon ana-a na sa korte ang kaso on trial na, apan kon dili mopakita ang taga PDEA o kaha Police nga maoy nag file sa kaso posibling ma-dismiss kini tungod sa lack of interest. (Report with Bryan Oñate).
Dili patas ang laban kong in-ani man galing ang mahitabo nga walay mopa- tim-aw nga taga PDEA, dapat lang ang prosecution maningkamot nga maka tunga sa court trial ug unta ang huwis kasohan kining PDEA ug Police nga dili na mopakita human ma-file ang kaso, diba matawag nga con-tempt of court ang dili na pagpakita sa korte taliwala sa summon korte, ang pagbali- wala sa korte is con-tempt, the offense of being disobedient or disrespectful of a court of law and its officers liable niini ang taga PDEA, kay makagawas lang ang akusado sa technicality of non- appearance.
May komento ang konsehal ug si Vice Mayor Sherlin Nograles sa trabaho ug kaso nga gisang-at sa PDEA ubos sa liderato ni RD Gil Castro, matud pa ni City Councilor Edmar Yumang nga dili man masayang ang kaso nga gipasaka sa PDEA-12 kay naa raman kini sa korte, sama usab sa iyang gisang-at nga kaso batok sa grupo ni PDEA Regional Director Castro sa ombudsman may kabahin sa kwestionabling raid sa balay ni Kapitan Abdul Wahid Bualan kay kon makita sa ombudsman nga may basihan ipatubag man kini sa sandigan bayan. Si Vice Mayor Nograles mipadayag usab nga angayang manubag ang kanhi PDEA director ug mga kaubanan sa ilang katahapang operasyon kay may mga walang butang sa akusado ug ginapatay pa sa PDEA agent ang CCTV camera sulod sa balay o building. ( Report Lore Romualdo)
Tama gyud ang gisaysay sa akong nahinabi nga kanhi taga Bucor kanhi pod opisyal sa PDEA nga ang PDEA sa pagkakaron kulang kaayo sa ka pasidad aron giyerahon ang sindikato sa iligal nga droga, demodo ang papel sa PDEA aron lang paka-ulawan ug ibulgar ang indentity sa mga dagkong tawo nga ana-a sa operasyon sa illegal drugs,wala nag laum ang PDEA nga mabilanggo sa hingpit ang Politiko o dagkong negosyante nga nalambigit sa droga gumikan sa ilang level sa kakulang sa ilang personahi nga magpasaka ug kaso problima na,gawas pa sa pundo nga gamiton alang sa malahutayon nga court trial, walay insaktong abogado ang PDEA, samantala ang suspect nga politiko o kaha negosyante kaya kaayong mokuhag de kampanilya nga abogado, maayong mangita ug technicality aron mapa walay sala ang ilang adunahan nga kleyente in short dag-un sa dili balancing justice system.
Lakip daw sa briefing sa operasyon nga pi-angan ang mga suspect labina ang negosyante ug Politiko pinaagi sa pag kumpiska sa ilang kwarta, ATM, mga titulo sa yuta tanan nga mahalong gamit, lakip nga ikumpeska sa tuyo nga walay magamit nga logistics ang akusado,pobrehon in short ang makumpiskang ebidensiya i-turn-over sa piskaliya aron ma- deposito ug dili mahilabtan, apan may pipila ka agent nga matintal niini ug inay nga i-tugyan sa korte gisulod sa ilang kaugalingong bulsa demodo kawat na ang resulta. Sa panahon nga mo counter charge ang suspect ug tungod kay adunahan dunay connection ma-relieve ang PDEA officials lakip ang PDEA agent for investigation, ibutang kini sa restricted custody sa AHO Administrative Holding Office, kon ubos ka sa restricted custody ang agent mawad-an sa madawat nga benipesyo busa maglisod na kini sa pag atubang sa gipangpasaka nga kaso batok sa mga dinakpan.
Kini nga scenario maoy nahitabo nilang kanhi PDEA-Regional Director Gil Castro ug PDEA agent nga gipang relieve sa pwesto ug tua na karon sa ilang National Headquarters sa Manila tungod sa aligasyon nga minilyon ang na- walang kwarta ug alahas sa balay ni Tambler Brgy.Captain Abdul Bualan, sa akong impormasyon nga nahibalo-an tulo ka beses ng nag hearing sa kaso ni Mayor Jojo Lopez pero walay bisan usa ka PDEA-agent nga mitunga rason nga posibling mabasura ang kaso ug makabuhi si Mayor Lopez dili madugay.
Demodo kon wala maglaum ang PDEA nga ma-kombikto ang ilang pang- dakpon labina sa high value target sama sa negosyante ug Narco politician useless ang ilang kamugnaan. Kon paka-ulaw lang ang tuyo murag dili epektibo kay daghan sa mga Mayor,Gobernador,Kongresista down to Brgy. Kapitan ang nabulgar na nga involve sa kalakaran sa droga apan midaug pa gihapon. Kong na create ang PDEA para pagpaka-ulaw nagpakita lamang hinoon kini sa pagka inutil ug dunot nga sestima sa hudikatura sa nasud.
Mao segurong namugna ang Davao Death Squad kay isip kanhi Fiscal na-hibalo si Digong nga kon ang goberno mogamit sa patas nga proseso sa pagtaral sa mga drug lord,pusher ug protector dili modaug ang goberno kay dag-on lang sa teknikalidad tungod kay may kwarta ug maayong abogado ang suspetsado, resulta patay. Walay matiti kon kasohon kay sama ani ang nagpasakag kaso ang PDEA Agent wala na nitunga sa trial, no choice ang huwis but to dismiss the case because of non appearance of the prosecution witness. Kulba nig style si Digong kay una PDEA dakop aron ipahibalo sa mga katawhan nga ang inyong opisyal,Gobernador, Mayor,Konsehal,Kapitan lakip sa Narco-politician busa dapat dili na botohan, kong dili mo-too sa pag paka-ulaw, sunod patay na. Ingon pa sa usa ka dakong opisyal sa goberno kining riding in tandem nga Death Squad Nationwide ni nga gimugna aron mo sentensiya niadtong garapalan ug dili na gyud ma-control nga mga adik, pusher ug drug Lord lakip protector, ang nahitabo kang Mayor Parojinog planado nang daan, ang nahitabo kang Mayor Espinosa planado na ug kong si Iloilo City Mayor Mabilog wala pa misibat sa Pilipinas mao nay isunod kay grabi ka lawum ang operasyon sa sindikato sa droga, tanan sector naa silay tawo ug connection, gikan sa triad grupo sa sindikato gikan sa gawas sa nasud musolod sa Pilipinas kakunsabo ang BOC, Police Officials, Politicians Connection ang Manila, Letye sa Visayas, Ilo-ilo City,Cebu, Ozamis City ug Socsargen kini ang flow o daloy sa Shabu nga nabulgar sa administrasyon ni Digong, wala pay labut sa ubang grupo nga naglihok usab sa nasud.
Ang mga opisyal nga tarung madamay ug mosakay nalang sa sindikato kay kon dili ka masipa sa pwesto, hulga-on lakip ang pamilya damayon aron lang dili mahimong babag sa ilang operasyon. Sagad sa mga midaug nga pangulo suportado sa under world o sindikatong grupo, maoy rason nga sa pipila ka tuig nga nanglabay nagka grabi ang drug trade sanglit ang matag molingkod nga opisyal adunay dakong utang kabubut-on. Bugtong si President Duterte lang ang walay utang kabubut-on sa under world ug negosyante maoy rason nga kaya niining bungkagon ang sindikato ug kapitalista sa negosyo maong si Digong lang ang makadakop sa sindikato ug dili ma dominar sa business sector kay walay utang loob. Manghinaut kita nga i-plastar sa goberno ang mandatu sa PDEA nga dili kay mahimong tawo-tawo lamang kay maka alarm nga sige silag pangdakop unya mabaliwala lang ilang paningkamot ang labas niini basin magamit hinoon nila ilang gahum sa pag depensa sa sindikato ug himoon lang panguwarta ang ilang pagka law enforcer biktima ang inosente nga civilian bisan paman sa pagbutang-butang sa mga konohay suspected high value target aron makahulidap bugti sa dakong kantidad.
