itin-aw ni Philippine Charity Sweepstakes Office Gen. Manager Alexander Balutan nga mo-abot lang sa 6-million pesos ang kinatibuk-ang gasto sa gi- himong Christmas Party sa Edsa-Shangrila Hotel, niadtong milabay Martes sumala pa ni Balutan nga 14-million pesos ang original nga Budget sa PCSO alang sa ilang Christmas party, apan grabi ang ilang pagtipid maoy hinundan nga mibaba lamang sa 6-million ang ilang nagasto.
Unang gibutyag ni PCSO Board Member Sandra Cam nga 10-million ang gi- gasto sa PCSO Christmas Party nga approved for planning Purposes lakip ang miscellaneous Expenses apan gipaningkamotan sa PCSO nga makatipid hinundan nga 6-million nalang ang nagamit alang sa party sa mokabat 1- thousand kapin nga impleyado.
Kung maka ingon ang PCSO nga nagtipid sila wagas, granting nga dili 14-M dili 10-M could you imagine 6-million sa Christmas Party lang, unsay mga pa premyo sa pa raffle ani korte ug motorsiklo kay 6-million, unsay ilang gipang kaon elepante ug leon nga grabi man ka mahal ang gasto? Sobra ka luho sa mga tolibagbag, hinoon dili nani bag-o sa PCSO ang over pricing kay kon ma dumduman maski coffee nila tag-kapin sa usa ka libo ang tasa,bulsa taman sa ginhawa kay seguro sa ilang huna-huna sa sugal naga gikan ang ilang pundo, kwarta sa hangin busa in-ani sila ka aresgado maglustay sa kwarta nga gikan sa sab mga sugarol, gasalig ni sila kay gabaha ang kwarta sa PCSO kay daghang sugarol nga Pilipino, hala buraska taman sa ginhawa.
Murag mga linta ning mga opisyal sa PCSO, gawas nga dagkog suweldo allowances nga makalilisang kong maka party wagas din. Tinuod nga na katabang ang PCSO, pero sa kantidad nga pipila lang ka libo pahirapan ang pagpangayo ug assistance sa indigent person sa ilang opisina, kulang na lang pangitaan kag dukomento nga certification of illegal position of ugly face, pareho rani sila sa LTO nga kong wala kay traffic violation pangitaan kag marriage certificate aron lang gyud makalisod-lisod para mo dugo ang yanong tawo, sama sa PCSO makapangayo kag tabang apan imong bilaran atungan halos didto nalang ka matulog sa ilang buhatan aron lang matagaan unya kong maka gasto sila 6-milyon tipid na alang nila? Wow lodi petmalu.
Matud pa ni GM Balutan, kinahanglan nila ang dako nga venue maong sa Shangrila Plaza sila nag party aron masigo ang 1,500 ka mga empleyado sa PCSO nga gikan sa lain-laing lugar sa nasud. Mas ni ubos ang bonus nga na dawat sa mga empleyado tungod sa mando sa Malacañang busa iyang na- huna-hunaan nga mahatagan ug desente ug kalipay ang mga empleyado labina nga midako ang kita sa PCSO iyang gihimo ang mas malipayon nga Christmas party kong diin tama lang usab nga matagamtaman niini.
Andam daw ang PCSO nga mopa ilawum sa imbestigasyon kong ugaling ipa- tawag ang pamunoan aron i-explain ang 6-million Christmas Party tungod kay komplito ang ilang dukumento ug resibo, iba ka talaga PCSO, walay lain ahensiya nga nigasto ug sama ani kadalo nga Christmas Party bisan gani ug 1-million Christmas Party perting dako-a naman gani, kini pang 6-million gi tipid pa daw nila, ang Pilipinas sunod-sunod ang kalamidad gikan sa linog karon bag-o bagyong Urduja, sa kasamtangan bagyong Vinta kinahanglan kaayo ang tabang pinansiyal unya kamo pa-party-party minilyon ang gasto wala uroy kilati ning mga tawhana.
Gibasol ni Balutan si Sandra Cam tungod sa pagbulgar sa 6-M Christmas party sa tono sa pamahayag ni Balutan gustong magpa papel si Cam kay may interest kono kini sa pagka Chairman o kaha General Manager gani sa dihang nakasulod kini isip Board Member mibuhi kinig pulong nga iyang lim- piyohan ang PCSO butang nga dayag nag interest kini sa mas taas nga position sa ahensiya ang nakapait kay tungod sa interest naguba ang imahin sa ahensiya nga iya mismong gi-alagaran nga ubos sa pagmando sa Pangulo sa nasud.
Sa opisina sa goberno nga naghatag ug tabang sa mga pobreng katawhan nakahimo sa pagparty sa usa ka five-star hotel, mao ni diha ang makakurat bongga kaayo ang party sa Shangri-la Isla Ballroom, ang katawhan nagpait kay walay gikaon, nagsalig sa pahirapan nga paghatag hinabang sa PCSO unya sila simple kaayo nga party, tipid na para nila ang five-star hotel Jesus ko Maria santisima.
Unsay gipadulngan sa 6-Million pesos? Kini naadto sa pa-raffle lakip na ang performance sa mga empleyado, 200-thousand, 150-thousand, 100-K,duha ka 50-thousand sa lima ka best group performances, kuyawa mura sab ug naka daug ug lotto ang mga manghak,tiba-tiba sa linibong premyo, kining mga premyoha murag premyo ni sa street dancing, maayo man ang street dancing dagko-an ug premyo kay init ug kapoy man magbaklay, kini sila ma ayog gipaningot ni sa ilang presentation unya 200-thousand agad? Waldas kaayo ning ahensiyaha, mao diay nga pahirapan ang ilang paghatag ug hi- nabang sa mga kabus kay ilang i-saving ang pundo para dagkog premyo sa party sa pasko?
But big question pani kay sa statement ni Balutan nga 6-Million lang ang na gasto sa party, dayag sa kopya sa board resolution nga gipakita ni Sandra Cam nga 10.18 million gyud ang nagasto kay mao ni ang gi-alocate sa PCSO naku posibling dili lang ni-adto sa bulsa sa mga empleyado ang minilyong prizes posibling may nabulsa usab ang mga opisyales ani, kanang gitawag nila ug SOP. Sa 10.18 million allocation for Christmas celebration 3.76 M sa pa raffle, 3.3 million sa pagkaon, venue and physical arrangements 900-K ug 600-thousand sa Christmas kiddie party.
Only PCSO, ang ubang ahensiya ga-ayom-ayom sa party, ang sagad gani government agencies by department nalang unya ang matag opisina ga- pang invite lang sa ilang Secretary or department heads kay gatipid pero ang PCSO nga tinubdan sa kaluoy, hinabang nga pahirapan ang opisyal ug empleyado hamyang, asa ang justice aning gobernoha kong ang ubang mga ahensiya mohimo sa susamang gasto nga matud pa sa PCSO officials tipid na ang ilang gihimo, 6-million tipid-tipid lang para nila? Dapat imbestigahan ni sa Kongreso o si Presidente Duterte na mismo ang motanggal aning mga opisyal sa PCSO, gitanggal man lang gani ni Duterte ang opisyal sa Urban Housing nga sige ug travel abroad ,dapat kining abusado hilabihan ka sosyal gastador nga opisyal sa PCSO iya usab sipa-on sa pwesto.
Tinuod nga dakog kita karon ang PCSO last 2016 mikita ang PCSO ug 37.4 B karon talitapos ang 2017 51-billion ang kita sa PCSO record high in history but nakalimot seguro ang PCSO nga may 104-million Filipino’s nga nag kina- hanglan sa ilang tabang labina sa hospitalization,nag antos sa paghinulat sa ilang tabang unya sila yano kaayong mogasto, ug kay ngano kong mitaas ang kita sa PCSO, ila ng lustayon, nga kwarta man gihapon na sa katawhan nga gisalig lang kanila isip usa ka ahensiya sa goberno dili kay solohon ninyo ing-ana ka gastador ang PCSO nga gani pati kape tag 1,000 pesos markado namo sa kakurakot PCSO kaniadto pa.
Basin kining 6-million Christmas party lang ang opener sa dakong isyo sa PCSO, miabot na ang ilang panahon kay matud pa ni Sandra Cam, involve usab kono sa anomaliya sa Small Town Lottery ang mga Official sa PCSO tan-awa ra? Dunay sindikato panguwarta sa Small Town Lottery STL maong si Grace Mercado, aresgado kaayo nga bisan walay concurrence sa SP nag operate dayon sa Gensan kay adunay dakong surambaw diha sa PCSO sa hisgutanan sa operasyon sa STL, basin kini na ang panudya nga makita na ang ilang dakong panapi gamit ang Small town Lottery. Kung seryoso si Pangulong Duterte sa kampanya sa korapsiyon, unahon niya kining mga GOCC nga nahimong tinubdan sa kurakot,sayang ang kwarta sa goberno nga gihimong pribado aning mga buwitreng opisyal lakip sa yanong mga empleyado, kong kining mga opisyal karon nga naglingkod mangapapha seguro mas mo doble o kaha mo triple pa ang mahatag nga serbisyo ug hinabang ning nasangpit nga buhatan sa mga kabus tang ka-igsoonan!
