Gi-anunsiyo ni Presidente Rodrigo Duterte nga subling ibalik sa Philippine National Police PNP ang war against illegal drugs kini tungod sa subling pagtaas sa kremin sa nasud human gipa-undang ang Oplan Tokhang Double Barrel ug gitahasan na lang ang Philippine Drug Enforcement Agency nga maoy manguna sa kampanya batok sa iligal nga droga. Hinoon dili pa opisyal ang pagdawat sa PNP sa subling pagbalik sa Oplan Tokhang tungod kay gipa-abot pa niini ang black and white o opisyal nga mando sa commander in-chief. Gani kagahapon sa udto namahayag si Presidential Spokesman Harry Roque nga hugtanon pa lamang nga gi-estudyohan ni Pangulong Duterte ang pagbalik sa pakig-giyera sa iligal nga droga sa kapulisan gikan sa PDEA usa sa gitan-aw sa administrasyon kong mi-grabi ang pagbaligya sa droga u gang pagsaka sa kremin posibling ibalik sa Police ang lead role sa war on drug apan sa karon gitataw ni Roque nga walay gipermahang papel ang Presidente aron subling ibalik sa PNP ang kampanya batok droga gumikan kay nakabalo ang Pangulo nga dako kaayo ang kakulangon sa PDEA labina sa mga personahi. Dugang pa ni Sec. Roque nga usa usab sa nakapa aghat sa Presidente nga ibalik sa Police ang operas- yon batok iligal nga droga ang nahitabong ngilngig nga pagpatay sa usa ka teller sa Taguig City kon diin ang suspetsado usa ka drug addict.
Abli man usab ang PDEA nga ibalik sa Police ang Oplan Tokhang kini ang gipadayag ni PDEA National Director Aaron Aquino, sumala pa ni Aquino nga mas maayong daghang ahensiya ang mototok sa pagsumpo sa iligal nga droga labina nga kulang sa kapasidad labina sa personahi ang PDEA busa kinahanglan gyud ang tabang niini sa PNP. Dugtong niini gipagawas sa PDEA ang datos sa ilang accomplishment gikan October 11 hangtud November 20 during sa panahon nga gipa-undang sa Pangulo ang Oplan Tokhang Double barrel, nasayran nga nakahimo ug 1,546 ka operasyon ang PDEA diin usa lamang ang natalang namatay. Adunay 38-ka mga barangay’s ang na clear samtang 469-ka mga drug personalities ang na-aresto atol sa gilusad nga operasyon, adunay pito ka membro sa drug syndicate unom ang government employee’s mi-abot sa 6.9 kilos nga shabu,11-ka kilong dried Marijuana 34-ka buok ecstasy nga nagkantidad ug 62.5 million.
Sa pikas bahin natunga ang reaction sa mga kongresista kabahin sa planong ibalik ang Oplan Tokhang sa PNP sumala pani Ako Bicol Party-list Representative Alfredo Garbin Jr. suportado niini ang desisyon sa Presidente nga ibalik ang Oplan Tokhang kini tungod kay mandato man sa PNP nga protektahan ang kinabuhi labina ang seguridad ug propedad sa katawhan dili man usab mawala ang PDEA sa war against illegal drug hinoon mas molig-on pa kon magtinabangay sa PNP, tinuod sab unsay mawala kon mag operate ang PDEA,mag operate usab ang Police mas daghan mas bibo, bibong dakop lang, bibong kaso, dili lang bibong patay kay sobra nasab dapat ipatigbabaw gyud ang due process, dakpon unya kasohan ipadugta sa bilanggo-an.
Wala paman ang pormal ug black and white nga mando ni Digong,nagsikad-sikad na ang National Capital Region NCR Police Office nga mabalik sa PNP ang kampanya kontra iligal nga droga. Sumala pa ni NCRPO Director Oscar Albayalde nga andam kaayo sila nga dawaton ang challenge sa pagbalik sa Oplan Tokhang kon i-mando ni Pangulong Rodrigo Duterte, aminado si Albayalde nga may mga kremin nga gaka hitabo sama sa homicide ug rape nga kahimuan sa mga tawong gumon sa droga aminado usab PNP ang gamay lang gyud ang pwersa sa PDEA nga mo tutok sa mga Street pushing busa mas maayo nga magtinabangay ang mga ahensiya sa goberno.
Dinhi sa Socsargen dili lang uyon kon dili nalipay pa si PDEA-12 Regional Director Gil Cesario Castro nga ibalik ang gahum sa PNP sa kampanya sa iligal nga droga sumala pa ni Castro nga mas maayong daghang ahensiya sa goberno ang magta-bang sa pagsulbad sa iligal nga droga sa kinatibuk-ang nasud. Gipasigarbo ni RD Castro nga walay problima sa PDEA kay maayo man ang relasyon niini sa PNP ug sa Militar nga nahimong kaabag labina sa pag implementar sa dinagkong operasyon sama sa sindikato ug Narco Politicians, gikumpermar usab ni Director Castro nga human nawala ang Oplan Tokhang daghan sa mga Street Pusher ang mibalik sa ilang raket tungod kay naka focus lamang ang PDEA sa operasyon sa dagko nga operasyon o high value target.
Ang accomplishment sa PDEA-12 kadtong drug lord sa south Cotabato si Balong Espinosa, sa Gensan si Michelle Aliaga sa Sarangani si Mayor Kulas Lopez, sa Palimbang kadtong Municipal Treasurer ning pinaka bag-o si Kapitan Abdul Wahid Bualan sa Barangay Tambler nga na-aresto kagahapon alas 2:00 sa kadlawon pinasikad sa search warrant nga gi-serve sa PDEA, nakuhaan si Bualan ug 10-gramos nga gituohang shabu nga nagkantidad ug 50-mil pesos, kasuhan si Kapitan Abdul Wahid Bualan sa kalapasan sa Section 11 Possession of illegal drugs article ll RA 9165 kon diin non bailable tungod kay 5-grams pataas no bail bond ni siya, daghan ang mga reaction nga mao diayng si Kapitan Abdul Wahid Bualan may daghang propedad sama sa nindot nga balay ug daghang mga sakyanan mura ni siyag si Senador Manny Pacquiao nga di hammer sab ni siya. Kon tinuod man gali ning akusasyon batok ni Kapitan Bualan nga big time drug pusher siya ug membro sa SOGIS drug syndicate pagkamalas nalang sa katawhan sa Barangay Tambler na naka opisyal ug sama ka tolibagbag ni Kapitan.
You cannot judge the book by its cover dili buot ipasabut kay buotan daw ug usa ka public official matawag nga mga honorable dili mahimong mamaligya ug iligal nga droga kay bisan tuod kon opisyal na siya tinudlo man o pinili sa katawhan tawo lang gihapon na sila nga masilaw sa tinaginting sa salapi ug bulawan, kining mga sindikato nga mga opisyal nga nalam- bigit sa iligal nga droga wala ni kalainan usab sa mga kawatan kurakot nga mga opisyal nga murag alimatok nga ga-sopsop sa bahandi sa katawhan, kon gidaut sa Narco Politician ang kinabuhi sa kabataan sama rasab nga giguba sa kurakot nga mga opisyal ang kaugmaon ug kalambuan sa yanong katawhan busa droga ug ang corruption sa narco Politics ug kurakot managsama lang. Pagka balasubas ni sa Kapitan Buayan kong tinuod man ugaling nga apil siya sa sindikato naturingan pa namang Elected official Honorable ,sukwahi ang binuhatan kay pusher man diay’ng dako.
Para naku okey pas alright nga mabalik sa PNP ang pakig giyera batok iligal nga droga apan dili lang unta pareho kaniadto nga bloody o madugo pero kon mosukol gyud dapat lang nga depensahan sa Police ang ilang kaugalingon, dili lang moabot sap unto nga mamakak magtumo-tumo nga nisukol bisan wala ug walaon sab ang tanim droga para lang sa accomplishment. Dili lang unta kalimtan sa Police sa PNP nga They are the protector of people and the state, ang ilang mandate as well as the fundamental human rights is concerned is to protect life and property of every citizen, ang ilang moto makatao, makabayan, makakalikasan, maka diyos busa angayan lang nga gukdon nila ang criminal, dili kay ang Police pod ang magpaka kreminal the law must be prevail dili magpadala sa kadautan aron maangkon ang tinuod nga kasulbaran sa kampanya batok illigal nga droga.
