Bag-ohay lang gipa-atubang sa publiko ni Department of Justice DOJ Secretary Vitaliano Aguirre, ang whistle Blower sa ma-anomaliyang 8.7 Billion Road right of Way scam nga nakapasikat sa General Santos City kon diin nahitabo ang palusot nga proyekto. Kauban ni Secretary Aguirre ang witness nga si Roberto Catapang Jr. gipresentar ang mga dokumento aron pamatud-an ang anomaliya batok nila ni Ex- DPWH Secretary Rogelio Singson, Ex-DBM Secretary Butch Abad kauban ang laing 43-ka mga akusado nga membro sa sindikato nga gilakipan ni Mercedita Dumlao, Wilma Mamburam, Col.Chino Mamburam, Eldon Cruz bana ni Ballsy Aquino Cruz nga igsoon ni kanhi Presidente Noynoy Aquino,gani lakip nga nakaladkad ang City Assessor’s Office GenSan diin sa kinatibuk-an 43-ka mga individual ang kasohan.
Sumala pa ni Aguirre nga dako ug kahibalo o personal knowledge si Catapang kini tungod siya kanhi ang naga proseso sa mga fake pekeng Claims aron ma-release ang kompensasyon sa mga yuta nga ma-agihan sa National Highway. Ang bayaw ni Pnoy nga si Eldon Cruz, ang mag endorse sa mga claims sa DPWH permado ni Cruz diin ang tanang kopya ana-a na sa National Bureau of Investigation NBI alang sa gihimong case build-up. Mo-abot sa 300-ka mga pekeng titulo ang gigamit sa mga sindikato aron makuha nang walang kahirap-hirap ang 8.7 billion gikan sa buhatan sa DPWH. December 23,2013 nadawat ang request sa DPWH sa DBM apan dali ka –ayong nakapagawas ug tunga sa bilyon ka pesos ang DBM alang sa 18-ka titulong kumpensasyon busa posibling may kasayuran silang Butch Abad ug Rogelio Singson sumala pa ni Aguirre sa sindikato. Asa man ang daan matuwid ni Pnoy tinuod gyud tong abnoy imbes daang matuwid daang tagilid ang labas lakip man diay sa kawat ang iyang parente kong tinuod man galing nga napalusot kining anomaliya sa road right of way, dili ni road right of way dapat itawag ani Road to my pocket way kay gibulsa sa mga tibaghak ang dili lang milyon kon dili bilyon pagka Happy eh…
Ang GenSan City Assessor’s Office mihatag ug pahayag pinaagi ni Mr.Bong Dinopol mikumpermar pipila ka tuig na nga milabay adunay imbestigasyon na nga gihimo apan karon lamang nabulgar.Gitataw sa Assessor’s office nga tumo-tumo ang gi- bulgar ni Roberto Catapang busa iyang gipasakahan ug kasong libel, gipasabut ni Dinopol nga tanang titulo nga mo-agi sa buhatan sa City Assessor’s Office tama ug dili lakip sa ilang tahas ang pag verify kon peke o dili ang titulo,gibarugan sa City Assessor’s nga mandato sa ilang buhatan ang pag release ug Tax Declaration lakip na ang value sa pagbayad sa Land Tax. Adunay 14-ka mga land title nga ana-a sa posisyon sa City Assessor’s ug kining tanan andam ilatag kon ugaling ipatawag sa imbestigasyon o unsa mang hearing nga himoon sa DOJ o kaha sa kongreso.
Si Mayor Ronnel Rivera, nakadungog na sa inyong 8.7 billion road right of way scam, apan gikumpermar sa alkalde nga hangtud karon walay official information ang City Government gani wala masayud si Mayor Rivera kong asang dalana ang nalakip aning bilyones nga nakurakot, kini kahang diversion road o Gensan-South Cotabato National Highway.Hinoon giseguro sa Mayor nga iyang suportahan ang unsa mang himoong imbestigasyon sa DOJ ug dapat nga manubag ang si bisan kinsang ana-a sa likod sa multi-billion scam basi sa expose ni Secretary Aguirre.
Naka sumite na ug 20-ka pages affidavit si Roberto Catapang, diin tumbok niini ang kanhi DPWH Sec.Singson,Kanhi DBM Sec.Abad. Grabi sindikato gyud unya ang ilang modus dinhi sa tibuok Region-12 kon diin ang sentro dinhi sa General Santos City pagka bagag mga dagway ning mga hinayupak,walay mga konsensiya kong ana-a man ang ilang konsensiya tua sa ilang lapa-lapa mga tolibagbag nga dagko, ang katawhan sa kabukiran nabangkol sa pagbaktas kay walay dalan ,kapos sa pundo pero ang mga alimatok road right of way gibulsa pa? Unsaon nalang ang highway laing bilyon ang gikawat kay road right of way pa gani gi-sopsop naman gani pag- ayo how much more ang proyekto, mao gyud nga kining DPWH ang proyekto mga lasaw, bag-o lang gisemento ang dalan pipila ka buwan nang gawas na ang balas kay ang project kulang sa semento gagmay ug kabilya kay sa proseso palang halos mahurot na ang pundo kay daghang gipang-agihan unya kana agi may porsento.
Dunay balaud ani kining The Right of way Act , nga nag mando nga dapat ang goberno naghatag ug just compensation sa mga landowners nga ang propedad ga–miton alang sa National Infrastructure projects sama sa building ug dalan, kini ang gisakyan aning mga elepanteng dagko, papel lang ang gidula unya ilang ka-alyado ang BIR, Register of deeds, Assessor’s Office, syempre ang DPWH ug DBM pagka- smooth sa flowing sa papel tiba-tiba unya ang ga-endorse bayaw sa Presidente dili lugaw ma-release? Pero adunay panultihon nga walay aso nga makomkom, dili sa tanan panahon matago nimo ang sekrito kay mo-alingasaw gyud ni, diba LUCAS 12:2 BISAN UNSAY GITABONAN MADAYAG UG ANG TANANG TINAGOAN MABUTYAG 2013 KARON 2017, kini na ang panahon sa pagpanudya mitin-aw na ang lubog nga tubig, human sa hudyaka mo puli ang pagbakho. Kahayahay ning mga tawhana 29- million na released in just one transaction hinoon kong tinuod nga lakip sa bahin si DPWH Secretary Singson, kauban sa modus si DBM Secretary Butch Abad kinsay proyektong dili dayon ma-released apil gud sa bahina..kagwang dagko ang mga katawhan halos dili makakaon ka tulo sa usa ka adlaw kay walay kita,walay trabaho kon mag uma sab ka walay ayuda gikan sa goberno sa laktud gutom ang katawhan sila bugnaw pa kaayo ang aircon sa ilang opisina gulpi pa mangurakot kay binilyon.
Ako dili pa hinoon ko motoo aning, road right of way scam unless nga madala sa proper forum labina sa korte ug madesisyonan nga proven o guilty kining mga gi- akusahan. But si Senador Ping Lacson namahayag nga kong kurakot o anomaliya ang hisgutan dili gyud paulahi ang DPWH ngani karon kasamtangang gihimo ang budget hearing sa Congress gibusisi gyud sa Senador ang budget sa DPWH labina nga nilutaw ning bag-o ang Road right of wat scandal, ang kabuang sa DPWH ubos ni Secretary Mark Villar na-diskubre ni Lacson nga may pundo ug listahan sa mga pangalan ug proyekto nga ang naka butang “JOHN DOES” o UNKNOWN liman ka Claimant ka sa yuta hatagan kag bayad sa goberno isip kompensasyon unya naka butang lang JOHN DOES, pirti kadali nga ritukihon eh busa posibli gyud nga kining expose ni Secretary Aguirre pinaagi sa witness nga si Roberto Catapang posibli ni nga may basihan. Dugang pa ni Lacson nga iyang gipasumite ug mga pangalan ang DPWH sa mga Claimant sa Road right of way apan last week lang nakahatag ug mga pangalan ang ahensiya unya pagsuma-suma John Does lang ang gisumite eh talagang Happy kayo eh ngano man laing bilyones na usab ang giplanohang i-bulsa kini raba si Mark Villar anak ni Senador Manny Villar, ang na scam usab kadtong 200-million C-5 road project ug tungod sa kontribersiya naparot kini sa 2010 Presidential Elections.
Ambot kong unsa ka tinuod kay gahapon lang nakadawat kog impormasyon to be verify pa nato ni nga ang City Assessor’s Office nagatubang ug kaso sa Ombudsman related ani nga scam ato ning i-follow-up, gani si Kanhi DPWH-12 Regional Director Tamayo lakip sa nakasohan na sa Ombudsman kay over pricing daw ang pagbayad sa claimant sa road right of way? Imbes tag 200 per square meter ang Value sa yuta gihimong 7,500 but sa akong gi-ingon ato paning i-follow-up i-confirm nato ni kon tinuod nga ang kaso pending sa Ombudsman Mindanao. Dapat sa City Govt’ mohimo ug imbestigasyon si City Mayor Ronnel Rivera, being the Local Chief Executive dapat siya ang unang may alam, nakurat lang ta nga starring ang atong Syudad sa binilyon nga kontrobersiya sa corruption nalambigit pa ang atong City Assessor’s Office, kong wala pay insakto nga impormasyon ang LGU-Gensan naa may atong legal team headed by Atty.Armand Clarin, karon palang imbestigahan dapat ni Mayor Rivera ang kalambigitan sa City Assessor’s Office labina kon asa dapit nga National Highway sa GenSan ang gikakot sa mga buaya, gihimo kitang puhonan sa corruption ang resulta nag mukhang tanga ang mga official ug ang katawhan sa GenSan nga walay hanaw nga source nata sa dakong panguwarta !
