Gikabalaka karon sa mga katawhan ning syudad ang balita nga may kinarton nga bala sa tag-as nga kalibre sa armas ang nakumpiska didto sa Amoros El Salvador Misamis Oriental nga gikan sa Marawi City ug pagadalhon unta diri sa GenSan nga sakay sa usa ka pribadong sakyanan. Subay niini gikumpermar usab sa PRO-12 ang nahisgutang report human sa initial nga pakig alayon sa Misamis Oriental PNP Provincial Police Office segun sa pamahayag sa bag-ong tigpamaba nga si Chief Inspector Aldrin Gonzales. Basi sa report nga ana-a sa kostudiya sa El Salvador City Police Station sila si Jerry Balabat,55-anyos driver sa Hi-Ace Van, asawa nga si Amalia 53-anyos ug Sergio Pangantihon 32, pulos residente sa Glamang Polomolok South Cotabato. Nakuha sa posisyon sa tulo ang unom ka bala sa M203 grenade launchers, 5O rounds ka bala sa caliber 60 machine gun,21-kahon sa bala sa M-16 rifle,6-kahon sa bala sa AK-47 rifle,20 bala sa caliber 50 machine gun,14-ka bala sa caliber 40 machine gun,100-buok bala sa M-16 ug pipila ka bala caliber 30-machine gun.
Nasayran nga gikan sa Marawi City gi-transport ang kahon-kahong bala sakay sa HI-Ace Van nga gi-drivan ni Balabat apan pag-abot sa check-point sa Amoros El Salvador Misamis Oriental dihang gisusi ang mga karton nadiskubri ang mga nag kadaiyang klase-klaseng bala sa nahisgutang mga armas. Matud pa ni Chief Insp. Richard Catipay ang Deputy City Police Chief nga nakita ang kinartong bala nga may naka marking nga Government Arsenal nga gigamit sa operasyong militar sa Marawi. Dugang pa ni Catipay nga sumala sa gibutyag sa driver nga si Balabat usa ka Army official nga nagngalang Captain Rey Villacampo ang mi- hire kaniya sakay ang mga kinarton sa kantidad nga 8-mil pesos gikan Marawi ug ihatud sa GenSan apan wala siya mahibalo nga mga bala diay ang sulod sa karton nga kargamento.
Matud pa ni 4th Infantry Division Spokesman Major Joe Patrick Martinez, gihimo na ang imbestigasyon aron masayran kong asa nga unit na assign si Capt.Villacampo ug kon asa gikan ang kinarton nga bala gitataw usab sa opisyal nga illegal ang pag transport sa mga bala nga isakay lamang sa private vehicle. Unsa kahay motibo o tumong sa pagpalusot sa nahisgutang mga high powered fire arms ammunition nga dinhi man punterya sa General Santos unsa kaha ug kinsa kaha ang naa diri sa ato lugar nganong dinhi man i-despatsa ang kahon-kahon nga mga bala.
Imposibli ug dili ni savings sa Government troops sa Marawi nga may tatak man na Government arsenal ang karton, basin taga Socsargen Region-12 ni si Villacampo ug dinhi niya planong i- dispose kining kahon-kahon nga bala dili pa kontento sa iyang sweldo mangawat pa gyud ug butang sa goberno, imbes kay pagka nindot sa image karon high moral ang Philippine Army gahatag lang ug mansa ning armiha karon ang pangutana kon naka lusot man ugaling kadtong kinahon nga bala unya na dala sa GenSan kaya kaha sa atong kapulisan ubos sa liderato ni Col. Berango nga protektahan ang katawhan kon ugaling gamiton sa dinautang kalihukan ang mga kinahon nga bala?
Kon ako ang pasultihon duda ko sa kapasidad ni Col.Romeo Ruel Berango nga ma alkontrahan ang akitibidad sa kreminal dinhi sa GenSan, dili man gani maka sumpo si Berango sa Riding in Tandem nga mipatay nag 65-ka mga tawo kini pang mga de kalibre nga matang sa armas kon nakalusot pa kadtong kinarton nga bala gikan sa Marawi nga dalhon sa GenSan, hangtud gani karon kadtong Intelligence Officer sa Police Station-5 nga gipusil patay sa riding in tandem wala pay nadakpan kadtong gipusil nga traffic enforcer nga si Ramos, hangtud karon nalubong sa kalimot ang mga tagtungod nagpabiling nag damgo sa hustisya nga murag ba-o sa kahinay sa pag usad sa kaso ambot kon masulbad paba nga sige man lang ingon nga may person of interest na pero walay nakasuhan walay nadakpan mas ni grabe pa ang ka mangtas sa kreminal ubos sa liderato ni Col.Berango kay bisan kon naa ka sulod sa imong balay sudlon ka ug patyon walay kahadlok sa police walay kahadlok sa balaud ang mga tirador,daan nang nag ingon si Berango naay gun for hire diri sa GenSan pero hangtud karon duna bay nadakpan? Kulang lang ang intel capability unsaon pagpatuman ni Berango sa tahas sa PNP nga, The PNP shall enforce the law, prevent and control crimes, maintain peace and order, and ensure public safety and internal security nga patay ug illegal activities sa GenSan wala man niini mapatuman? No wonder nga ideklarar siyang persona non-grata sa City Council pastilan kon nakalusot kadtong mga kinarton nga wala sa GenSan asa kaha to ga- miton kinsa kahay mogamit niadto? Duda man gyud ko nga mapakgang sa Police diri sa atong dapit kon mo-atake ang armadong grupo kay dili man gani maka pugong sa riding in tandem lang, may nibutong granada sa Calumpang niadtong mi aging adlaw upat samaran nadakpan ba ang suspect wala unsaon nalang kong dagkong IED bomba na gyud ang ipaboto sa GenSan ataw-ataw gyud seguro ta?
Posibli kaha nga savings kini sa armadong kusog nga nakig giyera sa Marawi mga nahibiling mga bala unya gikawat sa campo sa army didto sa Marawi ug ibaligya diri sa GenSan sanglit daghang armadong mga tawo diri sa atong syudad? Posibli kaha nga naay mga teroristang grupo o kaha sindikatong grupo o posibli kaha nga may mga kreminal nga gatago sa GenSan ug maoy baligyaan aning nasangpit nga mga bala. Kon usa man aning akong gi-mention posibling may mga sundalo nga kontak ang mga armadong grupo nga nag interest nga mopalit aning mga bala?Maka ingon kita nga salamat sa mga bayaning sundalo nga nakig asdang sa terorista sa Marawi pero may pipila gyud nga moliko sa pagkatunto mga sakay sa panahon nga sundalo kong tinuod man nga usa ka Captain Rey Villacampo ang nagpalusot aning kinarton nga bala kawatang dako ning sundaloha nganong wala mani maigo sa sniper?
Ingon ni Berango dili daw malutsan? Kaha lusot man gani ang riding in tandem mao gani na deklarar nga persona non grata kay bisan ang simple nga mando sa Mayor nga pangdakpon ug kasohan ang STL Outlet kon kinsa may tag-iya lakip trabahante walay nahimo si Berango kay mahadlok makasohan sa PCSO pero wala mahadlok sa kaso sa Mayor ug ni Konsehal Gacal, kong inutil ka sa usa ka simpleng butang sa pagpatuman sa balaud mag unsa nalang ang pagpatuman sa dagkong mga butang nga supak sa balaud?Pastilan i-kumpara nato si Colonel Berango kay Major Juvy Espinido, Colonel Versus Major segurado ko dili makahimo si Berango nga i-neutralize ang Parojinog ba? Dependi gyud na sa tawo ug dili sa Ranggo, dinhi sa GenSan unsa may nahimong dakong accomplishment ni Colonel Berango sa pakig- laban batok sa kreminalidad? Kadtong operation sa CDEU nga napatay si Jan-Jan Eco nga gi-ingong pusher nga ingon sa mga saksi maskin pa ang witness nga kagawad sa Barangay Lagao, wow mali man kono to? Busa kon si Mayor Rivera ug General Cedrick Train bilib daw kay maayo ang performance ni Berango, atika tits kay walay dakong nahimo si Berango sa GenSan, inutil hinoon sa pagsulbad sa mga kremin ug pagukod sa illegal gambling.
Busa kadudahan nga kitang mga civilian ma protektionan sa kapulisan sa ako nang gi-ingon karon nga pamuno-an sa GSCPO maskin naa ka sulod sa imong balay dili ka safety kay sudlon ka sa kreminal kana tungod kay sa pagka tinuod kulang ug diskarte si Col.Romeo Ruel Berango kulang sa leadership eh mag unsa man pod pagrespito sa iyang mga subordinates nga si Berango unwelcome man walay pulos nga opisyal baka ginalibak lang na sa iyang mga police kay first time may City Director nga na persona non-grata, pero ingon si General Train nga tarbaho lang ipakita ni Berango para maulawan ang nag deklarar ug persona non-grata unya kay wala man poy gipakita nga trabaho, puro plano o drawing kulang ang implementasyon ug lihok naku persona non-grata talaga!
