Subling na question ang panerbisyo sa Dr. Jorge P.Royeca Hospital ang tambalan nga gipadagan sa dakbayan sa General Santos City Government kini gumikan sa reklamo sa magti-ayong Huraño, taga Purok NPC Barangay Calumpang GenSan tungod sa pagpasagad sa Doctor ug Nurse sa nahisgutang tambalanan nga mire- sulta sa kamatayon sa ilang anak nga usa pa lamang ka tuig ang pangidaron nga napaakan ug uhipan. Gisaysay sa amahan nga si Alvin Huraño alas 5:00 sa hapon niadtong adlawng sabado ilang gidala ang bata sa Dr.Jorge P.Royeca Hospital ang bata human nakasinati ug taas nga hilanat tungod sa nadiskubreng pinaakan sa uhipan sa iyang tiil. Gi-angkon sa amahan nga daan ng gihilantan ang bata tungod kay gikan kini na immunize apan gitu-ohang ang pinaakan sa uhipan ang mas naka hatag ug hilanat, gikasakit sa amahan kay bisan galagum na ang lawas sa bata mga bandang alas 10:00 sa gabii ,dextrose lang ang gihatag sa bata walay tambal hinundan nga alas 11:00 sa gabii namatay ang bata. Gidugang ni Mr.Huraño nga lima ka beses siyang mi-reklamo sa Nurse sa nahisgutang tambalanan apan wala mahatagi ug pagtagad tungod kay may gihulat matud pang oras,nagtu-o ang amahan nga kong nadapatan lamang ug tambal ang ilang anak dili kini mamatay busa gusto niining manubag ang kadagko-an sa Dr.Royeca tungod sa kapalpakan sa gihatag nga serbisyo nga maoy hinundan sa kamatayon sa ilang pinalanggang anak. Gi-admit tuod ni Dra.Arpas Pedia consultant apan ang pangutana nahatagan ba ug tambal? Dextrose lang ang gidapat sa bata unsay mahimo sa dextrose man?
Ang mandato sa Doctor ug Nurse mao ang pagbuhi sa pasyente dili kay mopatay mas labaw na nga mohatag ug insaktong serbisyo sa katawhan isip trabahante sa pampublikong tambalanan tungod kay aduna kini public accountability isip mga government officials and employees basin nakalimot ang mga Doctor ug Nurse diha sa Dr.Royeca Hospital. Dili lang kay karon lang ni gireklamo ang Dr.Royeca hospital makadaghan nang higayon nga daghang mga pasyente ang mi-angal sa serbisyo ning City Hospital tungod kay daghan sa mga trabahante diha nga mapasagaron unya mga istrikto pa kaayo motagad sa mga pasyente intawon ang mga kabus nga walay ikasarang sa private Hospital mag antos nalang sa kakulangon tungod kay no choice man, ambot sab ning mga Doctor ug Nurse diha sa Dr.Royeca Hospital nga nag tenir man sa Public Hospital nga kabalo man unta sila nga ang mga pasyente nga mopa admit sa nahisgutang tambalanan mga pobre man gyud kay gipanag-iya mana sa goberno.
Sumala pa sa Assistant City Administrator for Administration sa General Santos City Government nga si Gabriel N. Gonzales, nga namatay ang batang si Jovien tungod sa komplikasyon ug dili kay napasagdan sa tambalanan. Madumduman nga atong gipa-ubanan ug reporter sa RMN-GenSan ang magti-ayong Huraño aron ma pa-abot sa kadagko-an sa syudad ang reklamo sa ginikanan sa namatay nga bata gi-pasabut ni Gonzales nga daling gi-admit sa hospital ang bata busa dayag nga wala kini pasagdi apan duna lamang gisunod nga proseso ang tambalanan basis a advise sa Doctor ayha dapatan ug tambal. Dugang sa Assistant Administrator nga tulo ka adlaw na nga may hilanat ang bata adesir nadala sa Dr.Royeca Hospital busa posibling namatay kini sa komplikasyon.
Unta dili lang dinhi magtuyok ang storya nga namatay sa komplikasyon ang bata kay kon nilagum na ang lawas nganong walay gidapat nga tambal? Dextrose lang gidapat sa bata dili man ko Doctor pero sa akong yanong panabot kon ang tawo masamad dapatan dayon na ug anti-tetanus, kini ang bata nagkurog unya nang lagum na ang lawas wala pa gihapon dapati ug tambal,nakita nanimo ng nilagum na ang tawo,matabang panag obserbasyon? Duda lang ko gikan sa 5:00 sa hapon hangtud sa alas 11:00 sa gabii posibling walay Doctor, kay si Mr.Huraño sige siya ug balik-balik ug reklamo sa emergency room ang nurse ra ang iyang ma-storya busa duda ko wala ang Doctor labina nga sabado. Por Diyes Porsento dapat nga imbestigahan kini aron masayran kong kinsa ang nagkulang ug angayang manubag aning kapalpakan, pagkasayang sa kinabuhi sa bata nga namatay lamang tungod sa palpak nga serbisyo sa government hospital. Mangulipas pa ang taga Dr.Royeca Hospital nga kadaghan nang gakahitabo diha nga samaran kay gidunggab ug gipusil namatay kay wala dayon nahatagan ug pagtagad kay walay Doctor, maski mga pasyente nga may sakit halos gatinga na kay isulod nimo buntag pa gabii na lang wala pagihapon ma-atiman sa Doctor busa dili lang kining 1-year old nga bata ang namatay diha tungod sa kahinay sa panerbisyo sa Doctor/Nurse sa Dr.Royeca ambot kong gikapoy ni sila sa ilang trabaho pero kon sweldo ang hisgutan mabilis pa sa kidlat, mao bitaw nga bisan kinsay pangutan-on public knowledge nga basta public hospital mas daghan mamatay kaysa Private hospital, dili malimod nga kong may kwarta lang ang pasyente sa private gyud na magpadala basta magsakit kaysa Public Hospital nga useless kay matigok kalang, bahala ug magka-utang-utang ba basta private Hospital kay para lang mabuhi ang pasyente, dili na insult ninyong mga Doctor ug Nurse sa Pampublikong tambalanan nga unta mas dagko man ang inyong sweldo kay sa Nurse ug Doctor nga ana-a sa Private Hospital.
Unsay social responsibilities sa Hospital? Adunay duha ka dimension ang Hospital Social Responsibility una, to protect and enhance organization assets while maxi-mizing community benefit, ikaduha is the Organization’s obligation to protect the commonweal-usually, for public program use of resources so as to benefit all in need of care. According sa Hospital Code of Ethics – from Philippine Hospital Association posted on April 17,2013 1.2 To provide the best possible facilities for the care of the sick and injured at all times, 2.3 To provide kind and considerate care for all patients and must always provide needed emergency treatment. The hospital has a moral responsibility. Hospital Ethics kung ang bible naay 10-commandments ang Hospital may 10-ethics usab ang pinaka importante ang No 1. Hospital must recognize that the care of the sick is their first responsibility and a sacred trust, striving, at all times, to provide the best possible care and treatment to all in need ofhospitalization.ug ang 3- Hospitals should remain and promote harmonious relationships within the organization, to insure the proper environment for effective, efficient and equitable care and treatment of patients. Unsay duties and responsibilities sa Doctors nia nalatid sa INTERNATIONAL CODE OF MEDICAL ETHICS,DUTIES OF DOCTORS IN GENERAL, A DOCTOR MUST always maintain the highest standard of professional conduct. A DOCTOR MUST always bear in mind the importance of preserving human life from the time of conception until death. A DOCTOR MUST OBSERVE the principles of “The Declaration of Geneva” approved by The World Medical Association. Declaration of Geneva Adopted by the General Assembly of the World Medical Association at Geneva, Switzerland, September, 1948,sa pagka Doctor manumpa sila, I SOLEMNLY PLEDGE myself to consecrate my life to the service of humanity.I WILL GIVE to my teachers the respect and gratitude which is their due, I WILL PRACTICE my profession with conscience and dignity, akong ipanumpa nga mag serbisyo ko sa katawhan, ug akong himoon ang profession nga may konsensiya ug dignidad, apan aduna kahay dignidad naa kahay konsensiya ang Doctor nga nag atiman ni Baby Jovien Jhay nga sa sampling hilanat lang o kaha sa simpleng pinaakan lang sa uhipan namatay ang bata? A DOCTOR MUST NOT allow himself to be influenced merely by motives of profit. Dili dapat mag apas ug bayad professional fee ang Doctor tungod kay dapat huna-hunaon sa Doctor nga, THE HEALTH OF MY PATIENT will be first consideration, karon in-ana kaha ang prioridad sa mga Doctor sa Dr.Jorge Royeca Hospital? I don’t think so kay namatay man si Jovien Jhay nga hilanat ug pinaakan lang sa uhipan ang hinundan kon dunay konsensiya ang City Government lalo na si Mayor Ronnel Rivera, dapat iyang pa-imbestigahan kini nga reklamo kay kon dili ni mahatagan ug action dili ma undang ang kapalpakan sa mga Doctor ug Nurse diha saatong City Hospital basin mahurot kamatay ng mga pasyente sa Dr.Jorge Royeca Hospital tungod sa kahina sa paghatag ug de kalidad nga serbisyo.
