Midagsa ang panawagan karon nga subling ibalik ang Oplan Tokhang sa PNP lakip na ang Death penalty kon Silot kamatayon human sa sunod-sunod nga pagpang lugos kung diin ang mga biktima pulos mga Menor de edad human gilugos brutal nga gipatay gani bag-o lang usab sa Manila usa ka batan-ong babaye ang gilugos ug gipatay gisunog pa ang iyang patay’ng lawas. Kahinumduman nga sa miaging semana gilugos ug brutal nga gipatay ang 8-anyos nga batang babaye sa Barangay Fatima human gi-among-amongan gi-dat-ogan ug dagkong bato ang patay’ng lawas sa bata aron itago ang karumal-dumal nga kremin sa nag inusarang suspetsado nga gitu-ohang gumon sa iligal nga droga.
Labihan kasubo ang pipila ka opisyal sa dakbayan tungod sa ngilngig nga hitabo,sumala pa ni City Councilor Lourdes Casabuena nga kong kanhi supak siya sa pagbalik sa Silot kama- tayon apan tungod sa kamatayon sa 8-anyos nga si Mary Agustin Legaspi iyang suportahan ang Death Penalty aron mahatagan ug igong hustisya ang kabataan nga nahimong biktima sa kriminal sama sa akusadong si Mark Engcong. Dismayado ang konsehal nga bisan pa sa daghanang balaud nga nag protektar sa kabatan-onan daghan gihapong mapahimuslanon tawo nga nanamastamas sa bata nga mawagtang sa ilang maayong ugma. Gani si Misis Miraluna Legaspe ang inahan sa 8-anyos mipadayag sa sangko sa langit nga kasuko gani gusto niining putlan ug kinatawo ug ipakaon sa suspect nga si Engcong salaktud kinabuhi ang gi-utang kinabuhi usab ang ibayad.
Busa kon magmauy ka o kaha mo tokar ang imong uwag kon maka inum ka labina gyud kon mag droga ka lauman na nga posibling makapang lugos o kaha mo patay ka kon i- basi sa pamahayag sa psychiatrist Doctor na si Dr. Marios Oco dili kana maka pugong sa imong kaugalingon dapat gyud magpugong lagi maglikay nga dili malango sa alak labina gyud sa droga. But kinahanglan ba gyud ang pagbalik sa silot kamatayon aron mapugngan ang pag patay,pagpanglugos ug uban pang heinous crimes sa Pilipinas? Sa kasaysayan sa Death penalty sa Pilipinas dili ma-establisar kon nahimo ba kining tubag sa kreminalidad tungod kay sa kasaysayan murag laban bawi ang implementasyon sa silot kamatayon magdepende sa mahimong Presidente daghang pamaagi ang Death Penalty sa kasaysayan kaniadto ang Pagbitay,firing Squad, Electric Chair ug ang lethal Injection diin ang convicted rapist nga si Leo Echegaray, ang katapusang na execute sa tuig 1999 dayon nawagtang ang silot kama- tayon sa panahon ni Kanhi Presidente Gloria Arroyo sa tuig 2006.
Hugot nga panawagan sa Simbahang Katoliko ang pagwagtang sa Death Penalty tungod kay nagdepensa sa kinabuhi ang simbahan o Pro-Life hinundan nga usa kini nga basihan kung nganong giwala ang hukom kamatayon. Apan kon basihan ang sina-unang sibilisasyon diin ang kristiyanismo gipalapnag sa Spanish colonial Government sa Pilipinas sila ang nagpa- siuna sa silot kamatayon pinaagi sa Firing squad diin usa sa nahimong biktima si Jose Rizal sa panahon sa rebulosyon si last spanish Archbishop Bernardino Nozaleda usaka Pro-death penalty diin nanawagan nga angayang pamatyon ang mga rebelde pinaagi sa Firing Squad, pag espada nga nagresulta sa pagka firing Squad ni Rizal, pero karon vocal sila nga walaon ang death penalty samantala kaniadto daghang nangamatay sa silot kamatayon.
Sa kasaysayan usab sa Death Penalty namatay ang mga famous criminals sama nilang Julio Guellin nga misulay pagpatay ni Kanhi Presidente Manuel Roxas niadtong Abril 26,1950 sa kasaysayan usab sa Death penalty gamit ang silya eliktika nasilotan sa kamatayon ang 16- anyos lang nga si Marcial Baby Ama niadtong October 4,1961. Gigamit ang Electric Chair sa pagpatay sukad 1926-1976 50-anyos diin mokabat sa 86-ka mga ana-a sa Death Row ang namatay sa silya eliktika kining electic Chair migamit lamang niini ang Pilipinas ug America sa dihang gibalik ang Death Penalty sa Pilipinas sa panahon ni Kanhi Presidente Fidel Ramos sa tuig 1993 ubos sa RA-7659 gustong pulihan niini ang Electric Chair sa gigamit sa America nga Gas Chamber apan wala nakapalit ug apparatus si Ramos hinoon ang Lethal Injection ang napalit ug maoy nagamit. Basis a record sa Amnesty International ang Pilipinas ikaduha sa tibuok kalibutan nga may pinakadaghang papulasyon sa Death Row Prisoner’s adiser na abolished ang Death Penalty sa 2006 nga mi-abot sa 1,200 ka Death Convicted ikaduha kita kanhi sa U.S nga may 3-mil ka Death Row Convict’s per year.
Seguro maoy hinundan na desiplinado ang Cano kay may Death Penalty sa ilang nasud, dili man malilong nga may kremin bisan asang lugar sa kalibutan kay may tawo man gyud nga mo tipas sa laing dalan pero suma toal progresibo ang America kay may Death Penalty sa ilang dapit mag kinto ang maghimog kremin sa ilang nasud gani sagad sa maghimog mga kremin sa U.S mga langyaw lang sakop sa teroristang grupo. Kaniadto sa panahon sa mga katsila hipos ang mga badlungon kay i-garote firing Squad pero mi-abot lang ang panahon nga mibarog ang mga Pilipino pinaagi sa rebulosyon, One thing kaniadto sa mga 60’s 70’s lang kon balikan ta ang panahon mas respitado,disiplinado ang kabataan kay uso niadtong panahona ang Corporal Punishment latigo,paludhon ka sa asin, bitayon busa usa ka sitsit lang ang mga bata murag piso nga nabasa sa kahadlok busa menos ang kremin kay may disiplina ug kahadlok? Karon dili na nimo madala ug baby-baby ang bata kay mopatay na mangawat u gang ginikanan ipa-priso pa. Dili ikalimod nga ang napulo ka kasugo-an nag ingon “AYAW PAGPATAY apan kon basihan nato ang bibliya nagsugo usab ang Ginoo nga mopatay pero dapat adunay Purpose o tumong sama ni Ginoong Jesus nga gipakatawo gipatay apan nabanhaw, nahimong biktima sa Death Penalty silot kamatayon si Hesus kay mag tumong ang pagpasaylo sa atong sala seguro kon ibalik ta ang hukom bitaw alang sa pagpatunhay sa hustisya nganong dili man pwede nga ang anak sa Ginoo gitugot man gani nga ilandang bisan kon walay sala how much more pa kaha ang mga kampon ni Satanas nga naghasik nang lagim? Kon gamitan tag Bibliya ang isyo sa pagbalik sa Death Penalty kansang hugot nga gisupak sa simbahan dayag sa kasulatan nga gitugot ang pagpatay sa tulo ka mga bersekulo sa Bibliya Genesis 9:6,Roma 13:4 ug Exodus 21:12 Ang makadalmal ug makapatay’g tawo kinahanglan nga patyon usab.Apan kon tuyoon niya pagpatay ang usa ka tawo pinaagi sa lipot,mahimo nga kuhaon ninyo siya ug patyon bisan pag modangop siya didto sa akong halaran, Ang modagmal sa amahan o inahan kinahanglang patyon, Ang mo- dagit ug awo aron ibaligya o tagoan kinahanglang patyon tin-aw pa sa sabaw sa botong.
Kon maseguro lang sa Hukmanan na sal-an gyud ang akusado nga mibuhat gyud sa kremin dili sala kon basihan sa bibliya ang pagpatay ang himoon lang sa goberno nga mahatagan ug patas nga presentasyon ang suspect nga dili butang-butang ang nahimong ebedinsiya ug hukom kay dili ikalimod nga ang hustisya sa Pilipinas Justice Delayed Justice Denied nga mo sangko hinoon nga kadtong masilutan dili diay mao ang tinuod nga naghimo sa kremin kini lang ang dapat bantayan nga maling sestima. Dili ikalimod nga sa panahon sa gipatuman pa ang Death Penalty may kahadlok ang pagbuhat ug kremin dili man ma perfect apan seguro nakuha-kuhaan labina sa panahon nga may ma-sampolan ug bitaw, sa panahon karon nga daw wala nay kahadlok ang tawo nga mohimog kremin seguro panahon na nga may Death Penalty nga ipatuman sa kagamhanan sanglit ang atong mga opisyal mga pinili sa Diyos nga maoy mangulo sa iyang mga katawhan basin kini ang sulbad ug kahadlokan sa pipila nga magbuhat ug gaplano’g kremin.
