Migawas sa pinaka bag-ong survey sa Social weather stations SWS na 54-porsento sa mga Pinoy nagtu-o nga wala nisukol ang mga drug suspects nga namatay sa gi- himong operasyon sa Philippine National Police. Sa pangutana nga misukol o wala misukol? 54-porsento ang mitubag nga wala misukol ug wala namusil ang mga na- matay, Samtang 20-porsento ang mitu-o nga misukol ang mga suspect busa na pusilan sa kapulisan busa namatay, 25-porsento usab ang wala maka desisyon sa gihimong survey nga gihimo niadtong Hunyo 23-26 sa mokabat 1,200 ka residente sa tibuok nasud apan mas dakong ihap sa mga respondent ang gikan sa Manila 36-percent sa Masa o yanong tawo ang wala mitu-o nga misukol ang mga suspects 64-percent ang taga Metro Manila ang wala mitu-o, samtang 47-percent lang gikan sa Vizayas ug Mindanao.
Gawas nga wala misukol ang mga drug suspects gibutyag usab sa SWS Survey na 49-porsento sa mga Pinoy ang nagtu-ong wala nalambigit sa iligal nga droga ang mga gipangpatay sa Pulis, 23-porsento ang nagtu-ong involve sa drug,27-porcento ang undecided sa survey. Kon tinuod man kining maong survey demodo daghang Pinoy ang dili kombensido sa Oplan Tokhang sa Administrasyong Duterte kay wala man sila mo tu-o nga nisukol ang mga drug suspect halos katunga sa papulasyon 49-percent ang nagtu-o nga ang mga gipangpatay wala nalambigit sa illegal drugs?
Kon sabton nato kining resulta sa survey dayag nga planted ang operasyon sa PNP kay diman kombensido ang Pinoy nga nisukol 54-percent wala nisukol, 49-percent dili involved sa droga ang mga namatay demodo planted ug tumo-tumo lang ang gipagawas sa PNP nga may dul-an 3-mil nga namatay sa legitimate Police operation sa Oplan Tokhang double barrel nga gimugna human milingkod sa posisyon si Pres. Rodrigo Duterte ug PNP Chief Director General Ronald Bato Dela Rosa? Naku naman
Pero dili kaha mag sungi ang datos sa survey sa SWS kay kon basihan nimo ang survey sa SWS last March 25-28, 2017 with the same respondents 78-percent sa mga Pinoy ang satisfied sa Duterte Administrations sa performance versus illegal drugs campaign 12-porsento lang ang wala mi-uyon sa kampanya batok iligal nga droga. Ug tungod kay mas daghang Pinoy ang kontento sa kampanya ni Duterte batok iligal nga droga nakakuha siya ug +66 percent satisfaction rating o very good sumala sa SWS Survey niadtong bulan sa Marso unya nilahi lugar ni kambiyo ang resulta sa survey pag-abot sa Hunyo tulo lamang kabulan ang milabay?Oh come on.
Ang survey nga gipagawas usab sa Pulse Asia nga gimantala niadtong March 26, 2017 apan gi-conduct last December 6-11, 2016 nagbutyag nga 81-persento sa mga Pinoy sa tibuok nasud nag ingon nga gibati sila ug mas luwas nga kinabuhi tungod sa kampanya sa goberno batok sa iligal nga droga. Sa datos sa Pulse Asia 56-percent agree, 25-percent Very Much Agree 9-porsento lang ang disagree sa war against illegal drugs, Sa 81-percent nga mas luwas karon nga administrasyon tungod sa higpit nga kampanya batok droga, 90-percent nga agree o uyon gikan sa Mindanao, 87-percent sa Visayas ug 74-percent gikan sa Luzon, unya karon kalit lang ka usab ang hangin sa panglantaw sa Pinoy pipila ka bulan lang ang milabay usahay maka ingon sabta nga unsay beses ug kinsay nagpundo aning survey labina ang credibility ug accuracy? Labina nga kining research ug survey kinahanglan may mag pundo may magpa survey dili malimod nga magamit ang survey nga basihan o guide pero kon unsay purpose sa survey ang ga-survey lamang ang nasayod ug kon dili kaha pabor sa nag sponsor sa survey ang resulta labina sa Politika ug sa pagpasikat sa usa ka individual o kaha sa grupo dili na malalis labina gyud sa mga mokandidatu sa National Position kanunay kita maka dungog sa survey ug research kong diin daghan ang mali-mali.
Ang liderato sa PNP mi-insester nga ang mga suspect namatay kay misukol sa ilang gihimong operasyon taliwas sa resulta sa SWS Survey. Kini ang gipadayag ni Chief Superintendent Dionardo Carlos ang tigpamaba sa PNP, iya usab gi-kwestiyon ang pamaagi ug sestima sa gihimong question sa basihan sa survey kon basi sa Fact o impression lang sa mga respondents. Gibarugan ni General Carlos nga pamatuod nga misukol ang mga drug suspects tungod kay mokabat na sa 85-ka Police ug sundalo ang namatay samtang 204 ang grabing nasamdan sa anti-drug operations sa goberno gikan sa July 1- September 16. Gi-challenge ni Carlos ang survey nga magpakita ug kamatuoran nga wala misukol ang mga akusado para dili perception ug factual ang basihan sa gihimong survey panapos ni General Carlos sa PNP.
Sa gihatag nga datos sa Dangerous Drugs Board ug Department of Justice mi-abot na sa 13-mil ang namatay sa war against illegal drugs basis a Inventory of Murder and Homicide Cases gikumpermar sa DOJ nga sa libo-libong namatay 71-lamang ka reklamo ang nadawat sa buhatan, 35-niini ang na dismissed sa piskaliya ug 19- ang gidungog sa korte 17- ang naghulat pa ug resolution. Kini ang kamatuoran nga sa daghang nangamatay posibling momho lamang ang mahatagan ug hustisya kay 71- lang ang nakasuhan unya ang katunga na dismissed pa gyud? May basihan usab ang PNP nga may nisukol gyud kay 85- ang namatay nga Police, apan dili usab ma- limod nga may inosenteng nadamay nga civilian sama sa kaso ni Kian Lloyd Delos Santos ug mga menor de edad nga napatay sa kampanya sa giyera batok sa droga tungod kay mismong si PNP Chief Director General Baton na ang nag kumpermar nga sa 175-thousand nga Police Force 2-percent ang scalawag o may 3,500 ang membro sa sindikato nga involve sa droga sama sa pagbaligya ug naga protekta.
