Unsa ang papel sa mga vendors sa ekonomiya sa siudad?Kasagarang mga street vendors mao ang tinubdan sa kita diha na sa matag pamilya, pagkaun sa mga anak, bayad sa pag tungha sa mga kabataan.Giisip sila nga mga informal workers apan adunay lig-on nga kutay alang na sa ekonomiya.
Street vendors nakamugna ug trabaho, nakahatag usab ug revenue sa butuan sama sa arkabala, bayad sa mga lisensya ug permits, fees mga multa. Street vendors naka dugang sa kalagsik sa siudad ilabina diha urban area, nahimo na kini nga tradisyun o old practice.
Apan taliwala sa ilang kontribusyun sa siudad, nag atubang karun ug hagit ang mga vendors gumikan sa gihimong pagbungkag kanila sa city hall, pag demolish kanila ug gitagaan lamang sa luna nga dili pa andam kay luna lang ang naa, dili tukmang lugar sa ilang mga baligya. Ang mga vendors na overlooked kini sa siudad. Lahi ang pag tagad sa city hall sa mga dagkong negosyante kung ikumpara sa mga vendors.
Unsa ka influential ang mga bar owners?
Sama na lamang sa apila sa mga adunahang bar owners sa dihang gusto sila nga kontrolon sa siudad, usa lang nila ka tawag dali nga milumoy ang kasing kasing sa mayor ug gi atras ang pagpatuman sa ordinansa nga nag ipit sa mga bar owners.
Samtang sa kaso sa mga vendors, bisan pa ug maputol na ang ugat sa liog sa sige ug rally, kaduha na sila gi deadMA. wala sila atubanga SA amahan sa siudad.
Siguro wala makita ang ka importante sa mga vendors. Usa ka tigpaminaw mihatag sa iyang kumentaryo nga lahi ra gayud ang politico “ nga ang political capital kwarta, kung ikumpara sa pulitiko nga ang political capital karisma sa masa…asa kaha niana nga capital anaa ang atong mga lideres? Kamo mga lungsuranon ang makatubag niana.
