Davao City- Nisaka ang mga insidenteng ‘street crimes’ karon sa dakbayan sa tibuok semana base sa records sa Davao City Police Office (DCPO).
Atol sa AFP-PNP Press conference, giingon ni DCPO spokesperson Police Senior Inspector Maria Teresita Gaspan nga nisaka og 130 ang crime volume karon sa syudad itandi sa 108 nga mga natalang krimen sa milabay nga mga semana.
“Sad to say, our crime volume last week has increased by 22 incidents. This is because of the increase both sa index atsaka non index crime natin. Meron tayong murder na apat, bale nag increase tayo sa index crime ng crime against person and crime against property by three, from 31 to 34 atsaka sa non-index crime natin, tumaas din yung mga reckless imprudence resulting to physical injury,” segun ni Gaspan.
Subay niini, gipalapdan sa DCPO ang ilang pagkuha og mga inpormasyon pinaagi sa ‘Oplan Iron Fortress’ aron madakpan na kining mga suspek sa dakbayan ilabi na kining nagpaluyo sa riding-in-tandem.
“Atoang gi-intensify ang atoang ‘ronda system’, pulong-pulong sa mga barangay kay we need the involvement of the community…We have realigned our deployment of personnel… and we also have strengthen our intel monitoring system.”
Sa hisgotanang riding-in-tandem, gipaniguro sab ni Gaspan nga gipailawom na sa ‘profiling’ ang tanang suspek sa maong krimen.
“Mao ng aduna kitay ‘Oplan Fortress’ para masulod gayod namo ang mga residences, mao nga ang tanan mga police station gipa-expedite ang pag implement sa ‘Oplan Fortress’,” matod ni Gaspan.
Sulti ni Gaspan nga ila usab nga gipanubay ang kaso sa pagpusil-patay kang Odessa Uganap Refamonte kinsa gipusil-patay sa riding-in-tandem niadtong Oktubre 4.
RadyoMan Abi Bibera
