Davao City – Mas istriktohan karon sa City Government of Davao ang requirements alang sa mga street food vendors sa syudad human sa nahitabong diarrhea outbreak sa Toril District, Davao City diin unom ang natalang patay tungod sa food contaminations.
Sumala ni Davao City Mayor Sebastian ‘Baste’ Duterte (sa interbyu sa city-owned radio), gawas sa health card, kinahanglang magbaton og dugang rekisitos ug kinahanglang ma-comply sa nahisgutang vendors ang sanitation standards pagsegurong luwas ang ilang ginabaligya.
Dugang ni Mayor Baste, nagkinahanglan og tabang gikan sa Barangay ug City Health Office (CHO) aron nga dili na masubli ang insidente.
“Kinahanglan pud nako ang kooperasyon sa Barangay, sa CHO. Kinahanglan gyud nato estriktohan. Dili nato nga mahitabo na usab tungod lang sa pagkaon,” sulti sa mayor.
Giseguro usab sa alkalde nga manubag ang responsableng indibidwal sa maong outbreak ilabi na nga nikutlo og kinabuhi ang nahisgutang insidente.
RadyoMaN Kirby Manzon
Facebook Comments
