Liquor ban hugot i-monitor sa Kadayawan

49
Davao City – Gimandoan karon ni Davao City Mayor Sebastian ‘Baste’ Duterte ang kapulisan nga hugot i-monitor ang ginapatumang liquor ban sa syudad sa Davao ilabi na atol sa Kadayawan sa Davao.

Sumala ni Mayor Baste (sa interbyu sa city-owned radio), kinahanglang dili na masubli ang insidente sa pagpamusil nga nahitabo gawas sa bar sa Tavera, ning syudad.

Kinahanglang istriktong sundon ang liquor ban diin sa kasamtangan gidili ang pagbaligya ug pag-inom sa mga pampublikong lugar gikan ala 1:00 sa kaadlawon hangtud alas 8:00 sa buntag matag adlaw.

“Pag-inom didto sa inyong balay. Palit mo sayo unya didto pag-inom sa balay, pagtiwas mo didto. Pero sa gawas ayaw na,” sulti sa alkalde.

Kahinumduman, nagpatuman og 24-hour liquor ban ang dakbayan niadtong Abril 6, 2022 sa dihang nagpatuman og Enhance Community Quarantine (ECQ) tungod sa Coronavirus Disease 2019 (COVID-19).

RadyoMaN Kirby Manzon

Facebook Comments