Davao City – Gitakdang magpagawas ang City Government of Davao og Executive Order (EO) nga mag-suspende sa pipila ka mga istriktong palisiya batok Coronavirus Disease 2019 (COVID-19), lakip na ang pagwagtang sa mga gipatumang lockdown, human gipailawom ang syudad sa COVID-19 Alert Level 1 sugod karong adlawa, Marso 1 hangtud 15, 2022, diin wala nay limit ang mga social gatherings.
Gikanayon ni Davao City Mayor Sara Duterte-Carpio, atol sa livestream interview sa iyang official Facebook page, luyo sa pagpaluag sa COVID-19 restrictions, kinahanglan gihapon ang padayong pagsunod sa Minimum Public Health Standards (MPHS) batok COVID-19.
“So we want every to open and we want everybody to be on full operation, except we will not lift the mandatory wearing of your mask, and importante gihapon ang distancing,” tataw sa alkalde.
Dugang pagpasabot ni Mayor Sara, importante nga mapadali ang pag-abli sa ekonomiya ilabina nga apektado karon ang Pilipinas ug tibuok kalibutan sa giyera tali Russia ug Ukraine.
RadyoMaN Kirby Manzon
Facebook Comments
