Davao City – Dakung uyon kun pabor ang Southeastern Mindanao Diversified Drivers & Operators Cooperative (SEMDDOC) nga istriktohan ang pagkuha sa driver’s license karong panahona.
Sumala ni Manuel Duran, SEMDDOC Chairman, pabor siya nga mas hugtan pa sa gobyerno ang drivers license requirements aron dili mag-abuso gumikan kay sayon lamang ang pagkuha og lisensya.
Pabor usab si Duran nga ipailawom sa neuro-psychiatric test ug driving class ang tanang mga aplikante isip requirements sa pagkuha sa lisensya sa pagmaneho tungod kay kasagaran sa disgrasya sa kadalanan mugna kun bunga sa driver’s error.
Giuyonan usab sa Davao transport leader ang laraw sa gobyerno nga himoong criminal offense ang kapakyas sa pagbaton og lehitimong driver’s license una pa man tugtang mogunit sa manibela.
RadyoMan Bernard Pantallon
