Striktong health screening gipatuman sa Davao de Oro

55

Davao de Oro – Gipahugtan sa mga sakop sa COVID-19 taskforce sa Davao de Oro ang pagpatuman sa health screening sa tanang mga Overseas Filipino Workers (OFWs) nga muuli sa probinsya ug Locally Stranded Individual (LSI) nga naggikan sa nagkadaiyang probinsya sa nasud aron mapugngan ang pagkuyanap sa COVID-19.

Sumala ni Davao de Oro Gov. Jayvee Tyron Uy, padayon ang gihimong paningkamot sa gobyerno pinaagi sa pagsusi sa tanang mosulod sa probinsya diha sa mga publikong terminal alang sa health screening sa tanan aron dili malutsan sa nagpositibo sa COVID-19.

Dugang ni Uy nga ang tanang mga LSIs ug OFWs nga i-diretso sa mga isolation facility human gipailalom sa 14 days mandatory quarantine ug ipailawom sa sunod-sunod nga swab test aron pagsiguro nga kung dunay magpositibo, dili sila makaangin sa miyembro sa ilang pamilya ug mga silingan.

RadyoMaN Jules Catisay

Facebook Comments