Davao City – Hugot nga implementasyon sa mga balaud ang gikinahangalan aron hingpit nang ma-regulate ang pagtan-aw og pornographic content sa online world dinhi sa Pilipinas.
Kini mao ang sugyot karon ni Mindanao Development Authority (MinDA) public relations head Dr. Adrian Tamayo atol sa eksklusibong pakighinabi sa DXDC RMN Davao kaniya human migula nga nanguna ang Pilipinas sa post reviewing user trends and behavior list sa usa ka porn site.
“It’s already there klaro man, one of the effective gani atoang laws protecting the rights only that ang implementation niya ang atoa pod technology cannot catch up with the growing industry of pornography,” gisugilon niini.
Gipasabot niini nga target sa maong mga pornography players ang poor countries sama sa Pilipinas sanglit income incentives kini sa ilang bahin.
Dugang ni Tamayo nga bisan pa man i-regulate ang pagtan-aw og pornography, kung walay kabag-ohan sa dagan sa panginabuhian sa usa ka tawo maapektuhan gihapon ang iyang ‘idle’ moments nga muresulta sa pagtan-aw na lamang og porn videos.
“So we have to create therefore an alternative of income and alternative of access to the right technology but primarily we have to improve progress across the country,” saysay niini.
Base sa web post sa maong porn site, nanguna ang Pilipinas sa pinaka dugay nga paggahin og oras mutan-aw og porn sa average nga kapin 13 minutos diin gisundan kini sa South Africa, United States, Ukraine ug Canada.
RadyoMaN Jason Amisola
