Office of Civil Defense, wala mohatag sa grado sa earthquake drill sa City hall

PC: RadyoMaN Nitz Arancon

Wala mohatag sa grado ang Office of Civil Defense o O-C-D atol sa gipahigayong Earthquake Disaster Drill sa City hall mga alas nuybe kaganinang buntag.

 

Matud ni Nic Jabagat, Officer in-charge sa City Disaster Risk Reduction and Management Office nga gi-wave ni O-C-D Evaluator Patrick Allanta ang iyang paghatag grado sa maong earth quake drill.

 

Kini sa rason nga daghang nakita si Allanta nga mga kulang ang City hall aron likayan ang mga kadaot sa oras  kon dunay tinood nga linog nga mahitabo.


 

Tungod niini gi-rekomendar sa O-C-D sa City hall nga magta-od silag Earth quake alarm sa tanang opisina  aron madunggan sa mga  city hall employees ang alarma sa linog.

 

Lakip sa gi-rekomendar sa O-C-D nga kinahanglan ang tanang  agi-anan sa City hall gikan sa ground floor ngadto sa 5th floor dunay nga signage’s aron mabasa sa mga tawo asa sila mo-agi sa ilang pag-ikyas  sa oras  kon dunay linog.

 

Matud ni Jabagat nga gikomendar usab sa O-C-D nga kadtong mga empleyado sa city hall dili maghimog kasaba sa oras nga dunay linog aron ilang madunggan ang ilang earth quake martial unsay ilang buhaton kon dunay disaster sa linog.

 

Gidugang ni Jabagat nga sa sunod tuig ilang himoon ang sunod nga earth quake drill ug ilang paningkamotan nga masunod ang tang rekomendasyon sa O-C-D alang sa safety sa tanang mga tawo nga naa sa City hall sa panahon sa linog.

Facebook Comments