Na-abot na ang dugang puwersa sa kapulisan isip augmentation sa probinsya alayon sa gipahugtan nga seguridad sa Bukidnon.
Sa interview sa RMN Malaybalay ngadto kang PSI Jissell Longakit ang spokesperson sa Bukidnon Provincial Police Office gibutyag niini gawas sa augmentation gikan sa Regional Mobile Force Battalion gipa-recall na usab ang tanang mga police personnel aron ikatag sa mga pampublikong lugar.
Matud ni Longakit nga kanselado na ang leave sa mga kapulisan tungod kay naka full-alert status karon ang PNP sa probinsya.
Gipahigayon usab daw ang strong checkpoint sa mga border sa Bukidnon sama sa lungsod sa Damulong, Talakag, Kalilangan ug uban pa.
Samtang sa habig sa Armed Forces of the Philippines kon AFP gisiguro usab niini nga adunay silay joint internal security plan tali sa kapulisan.
Sa interview sa RMN ngadto kang 1LT Tere Ingente, Public Affairs Office chief of the Army’s 4th Infantry Division gibutyag niini nga naka-alerto usab sila sukad nga gipatuman ang martial law sa Mindanao.
